Web do CEIP Xuvencos | Escola pública: de todos e para todos.

Boletín de notas do 2º trimestre e vacacións de Semana Santa.

Mér, 06/04/2022 - 14:58 — admin

Estimadas familias, neste final do 2º trimestre, queremos comunicarvos que o venres, día 8 de abril de 2022, entregaranse os boletíns de notas do 2º trimestre ao alumnado (dispoñibles en ABALAR MÓBIL a partir das 13.00 horas).

As vacación de Semana Santa comezan o 11 de abril e rematan o 18 de abril, comezando as clases o martes 19 de abril.

Máis información no arquivo adxunto.

INSUA DOS POETAS 22: DÍA DA POESÍA

Mér, 23/03/2022 - 16:50 — Leo

O día 21 de marzo os cursos de 5º e 6º de educación primaria fomos á Ínsua dos Poetas, no concello do Carballiño, para celebrar o Día Mundial da Poesía.

Entre as actividades que se fixeron houbo un recital de poemas de Florencio Delgado Gurriarán, autor ao que se lle adica o Día das Letras Galegas este ano.

Dito recital estivo feito por alumnos e alumnas dos centros participantes.

Iria Lorenzo González, Néstor Pérez Estévez e Adrián Souto González, foron os encargados de representar ao noso centro na actividade.

A continuación, tivemos a ocasión de ver un espectáculo de música e danza levado a cabo polo grupo “Cantares Transhumantes” de Miriam Sandoval, co que se quixo facer unha pequena homenaxe ás letras arxentinas.

Por último, plantouse unha árbore (ombú) e interpretáronse os himnos de Ourense, Galicia e Arxentina.

(Redacción do texto: Carmela, titora de 5º de ED. Primaria)

Aquí vos quedan unhas poucas fotos do evento:

blogue de Leo

MÁSCARAS

Mar, 22/03/2022 - 11:04 — admin

USO DA MÁSCARA NOS PATIOS DOS CENTROS EDUCATIVOS

Comunicación conxunta das Consellerías de Sanidade e Educación sobre a recomendación do uso de máscaras nos patios dos centros educativos - 18/03/2022

O subcomité clínico que asesora á Xunta de Galicia na xestión da pandemia pola covid-19, vén de acordar na súa xuntanza de onte, deixar de recomendar o uso das máscaras nos espazos ao aire libre dos centros educativos da comunidade.

O grupo de expertos adoptou esta decisión tras avaliar a situación epidemiolóxica de Galicia así como a grande porcentaxe de poboación pediátrica e xuvenil vacinada. Neste senso, Galicia é a primeira comunidade en porcentaxe de poboación infantil vacinada cun 73,5% dos nenos con alomenos unha dose, o que significa 21 puntos por riba da media do Sistema Nacional de Saúde. Así mesmo, o 41,1% dos menores de 12 anos contan coa pauta completa, 13 puntos por riba da media de España.

Moitas grazas pola súa colaboración

blogue de admin

Axuda urxente a Ucraína

Xov, 03/03/2022 - 16:41 — admin

Ante a situación de emerxencia en Ucraína, o Concello de Boborás colabora con Caritas Carballiño, para enviar axuda.

O Concello será un punto de recollida a disposición de toda a veciñanza. O punto será o antigo baixo do banco, na planta baixa da casa consistorial (ó lado da farmacia) e o horario de luns a venres de 8.30 a 14.30 h.

O CEIP Xuvencos únese ao Concello de Boborás, na colaboración con Cáritas Carballiño, como segundo punto de recollida.

No cartel vai detallado o tipo de elementos que se precisan.

SOLICITUDE DE ADMISIÓN PARA O CURSO 2022-23

Mar, 01/03/2022 - 13:58 — admin

Desde o día 1 de marzo, e ata o 21 do mesmo mes, está aberto o prazo de solicitude de praza no noso centro para novo alumnado ou procedente doutros centros educativos (a partir do día 20 de marzo a Sede Electrónica non admitirá a presentación de solicitudes para este procedemento). Por mor da previsión de matrícula, para o próximo curso, non deixen a solicitude de praza para última hora.

O procedemento está regulado pola normativa seguinte:

Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550A e ED550B).

PRAZOS

Prazo de presentación de solicitudes: Do 1 ao 21 de marzo de 2022.

▹Publicación da listaxe provisional de alumnado admitido e non admitido: antes do 25 de abril.

▹Prazo de reclamación contra a listaxe provisional: no prazo de cinco días hábiles posteriores á resolución provisional.

▹Publicación de listaxes definitivas de alumnado admitido e non admitido: antes do 15 de maio.

▹Formalización da matrícula: Do 20 ao 30 de xuño.

Vacantes ofertadas para o curso 2022/2023 (publicaranse 28 de febreiro)

DOCUMENTOS:

Solicitude de praza Anexo II
Solicitude en liña, (Manual para as familias)

Días non lectivos no Entroido.

Ven, 25/02/2022 - 12:31 — admin

COMUNICAMOS ás familias que os vindeiros luns 28 de febreiro, martes 1 de marzo e mércores 2 de marzo de 2022, non son días lectivos por ser as vacacións do Entroido. Retomaremos as clases o xoves 3 de marzo.

Os tres días non lectivos están recollidos pola Consellería de Educación na Orde do 19 de maio de 2021 pola que se aproba o calendario escolar para o presente curso académico.

Un saúdo.

A dirección.

RESERVA DE PRAZA PARA O CURSO 2022-23

Dom, 09/01/2022 - 19:00 — admin

Desde o 11 de xaneiro, e ata o 8 de febreiro, está aberto o prazo de Reserva de praza para o alumnado de 6º curso que desexe continuar os seus estudos no IES Manuel Chamoso Lamas. Dito alumnado, deberá presentar no noso centro:

ANEXO I debidamente cumprimentado, ou ANEXO I en liña.
Fotocopia do DNI.

A reserva adquirirá carácter vinculante e será incompatible coa presentación de solicitude noutro centro, salvo renuncia expresa e por escrito presentada no centro antes do inicio do prazo de presentación de solicitudes de admisión (01 de marzo de 2022).

Se non desexa solicitar praza en dito instituto, pero presentou o ANEXO I, deberá facelo constar por escrito no IES Manuel Chamoso Lamas antes do inicio do proceso de Admisión. Posteriormente deberá solicitar praza noutro centro entre o 1 e o 20 de marzo, entregando o ANEXO II, debidamente cumprimentado, no centro que desexe continuar os seus estudos.

O resto do alumnado, desde Ed. Infantil ata 5º Ed. Primaria, que este ano estivo matriculado no noso centro, ten Reservada praza de oficio no centro polo dereito de Permanencia. Se decide solicitar praza noutro centro ten que achegarnos unha copia da solicitude de admisión entregada nese novo centro.

2 adxuntos

Magosto 2021 2022

Lun, 15/11/2021 - 11:05 — admin

O 11 de novembro celebramos o magosto no colexio, coa realización de múltiples actividades como exposicións e murais...e onde o equipo de actividades complementarias priorizou a música e a actividade física con diferentes xogos, para a súa celebración no patio.