Contido popular

Dentro da Biblioteca Humana, do programa Lectura e Familias,

nesta ocasión visítanos Thais! Faino cun obradoiro de costura

para crear unhas camas para as nosas personaxes das pezas soltas.

A ilusión e a emoción na confección, do que se pode conseguir con

anaquiños de tea foi inmensa, nuns días farán os coxíns!!

Dentro do programa "Lectura e Familias" tivemos a Thais.

Con ela estivemos aprendendo a facer pequenos complementos

para @s nos@s bonec@s, unha pezas soltas que remataron no obradoiro

de costura e sufriron un gran cambio. Os vestimos e fixemos camas e coxíns.

Por suposto, isto non tería sentido se o xogo non fose a parte final (aínda que houbo

moito polo medio). Un xogo que permitiú traballar a expresión oral,

montando diálogos cos compañañeir@s. Tamén a arte plástica en 3D

tivo o seu punto forte, pois outr@s quixeron realizar mobles para a

futura casa dos seus bonecos. Isto que hoxe vedes nunhas poucas

fotografías é o traballo de varias semanas nas que a motivación do alumnado

era inmensamente alta, tanto pola participación dunha famila como do

producto final que conseguirían. Agora terán que coidalos moito, pois son

totalmente artesanais, pois foron construidos en madeira

pola familia de David. Gracias a todos os que o fixeron posible!

Mini proxecto dos Museos. O alumnado busca información

en grupos de diferentes museos que lles tocou nun maletín,

teñen museos de diferente tipo arqueóloxico, obras de arte,

do humor, do xoguete,... de direrentes lugares

galegos, nacionais e internacionais.

As veces, hai momentos coma este, para gardar nunha caixiña

e recordar. A creatividade, imaxinación e inocencia da rapazada

imitando o traballo dos adultos. Parabéns! Aquí a caixiña para gardar!

Onte levouse a cabo a formación de "Lectura e Familias".

Como xa víñamos informando tíñamos moita preocupación

polo perigo nas redes, o acceso á pornografía na infancia e

a carencia de Educación Afectivo Sexual. Necesitábamos axudar

á cativada, para iso era indispensable que familias

e escola tivésemos estratexias para abordar esta temática.

Asi, que a través do programa da Asesoría de Bibliotecas,

"Lectura e familias" decidimos poñer nas mans de "As Atalaias"

esta formación. Elas son unha cooperativa galega que traballa en

prol das persoas e as súas necesidades. Tivemos connosco a

Raquel Veiga Teijeiro, diplomada en Educación Social e formada

en diversos aspectos como convivencia, sexualidade, resolución de conflitos... 

A xornada tivo un aforo amplo e todas e todos saimos reafirmados,

sabendo como comezar e con ganas de repetir. As familias que o desexaron

cargaronse de libros para documentarse e ser unha canle para iniciar

conversas coa rapazada. É de moita importancia que sexamos sinceros,

contestemos as súas inquedanzas e proporcionemos información fiable.

É básico ser referentes da nosa prole, e senon somos nós asegurar

que quen o sexa teña a nosa plena confianza.

Agradecer á Anpa Picapeixe e a tódolos que puxeron semente para que

esta actividade chegase a tan bo porto.

En breves compartiremos os vídeos e información que achegue Raquel.

Se queredes ampliar información con videos e webs,

podedes entrar na web da biblioteca ou no Facebook ou Twitter

da Biblioteca Escolar "Carlos Labraña" alí tedes moitas información

baixo o título: ESPAZOS SEGUROS PARA A INFANCIA.

Gracias á comunidade educativa pola súa resposta.

DÍA INTERNACIONAL DA MULLER E A NENA NA CIENCIA

Dentro das actividades deseñadas para conmemorar o Día da Muller,

o mirar de fronte e reflexionar é máis que necesario.

Propónse unha actividade onde se lle pide á rapazada que divida

o folio en dous e copien e lean unhas palabras,

que podedes ver nas fotografías. Posteriormente, se lles di que debuxen

unha persoa en cada espazo. Temos aquí os resultados. Está claro que

hai moito que traballar e conversar, escoitar

e reflexionar foi a segunda parte da actividade.

 Actividade inspirada pola mestra @la.clase.de.lore

O día 26 de setembro chegou unha carta as nosas aulas.

Unha carta cunha palabra escrita, unha verba un tanto estraña acompañada

dunhas personaxes moi "cómicas". Buscamos na rede que significaban

esas letras xuntas e en que idioma estaban escritas, resultou que era a palabra CÓMIC

en diferentes idiomas de Europa. E con todas estas palabras enchimos a cortiza

conmemorando a riqueza das linguas.

26 de setembro, Día internacional das linguas europeas

O vindeiro venres 5 de abril, de 16:30h. a 18:30h na Biblioteca Escolar

"Carlos Labraña", no Ceip Nicolás del Río, teremos con nós a

profesionais de "As Atalaias" que nos ofrecerán unha formación onde

se pretende crear un espazo de encontro e diálogo para atoparnos cómodos,

en familia e poder abordar temas incómodos como son a exposición que

teñen as crianzas a vídeos porno e as súas consecuencias no desenvolvemento

da súa sexualidade. Estas profesionais achegaránnos ferramentas, recursos

e historias para acompañar ás crianzas no ámbito dixital e relacional,

e poñerán no centro o respecto, o coidado e o bo amor.

Convidamos a tódalas familias da comunidade educativa, pero tamén

está aberto a calquera persoa que lle resulte de interese,

pois todas e todos formamos parte da vida educativa da rapazada.

Durante ese período de tempo, as familias terán servizo de gardería aportado

pola Anpa Picapeixe, para que ninguén que o desexe quede sen a formación.

Engadimos na parte inferior o programa da formación

para que poidades ollalo polo miúdo.

Esta formación está enmarcada no programa de Lectura e Familias da

Asesoría de Bibliotecas Escolares. Agradecemos  a vosa asistencia.