Título | Resumo |
---|---|
EXPERIMENTOS - BIBLIOTECA CREATIVA #ciencia #bibliotecacreativa #bibliotecainclusiva #LIA #bescolaresgal |
Experimentando coa densidade e as burbullas de aire no xeo. O alumnado de 6º segue os pasos do método científico para chegar ás conclusións.
|
OBRADOIRO DE COSTURA - BIBLIOTECA HUMANA #LecturaeFamilias #FamiliasnaBE #STEAM #poloscreativos #bibliotecacreativa #EscribiraBE #bescolaresgal #bescolaresgalabertas |
Unha mamá de sexto ofrécese a ensinarlles a crear un estoxo, gracias á Biblioteca Escolar e a Polos Creativos temos os recursos
materiais e de espazo, Mey comparte os seus coñecementos co alumnado e crean un fermoso estoxo para ter na aula.
Utilizan na súa elaboración teas recicladas na escola e moita imaxinación. Hai que seguir os pasos un a un, realizar un patrón e prestar moita atención para acadar un bo traballo en equipo.
Agradecer unha vez máis ás familias que traían a súa sabiduría á escola!
|
OS DEZ ANIMAIS E ANIMAIS DA SABANA "Lectura e familias" #LecturaeFamilias #EscribiraBE #bibliotecacreativa #bibliotecainclusiva #LIA #bescolaresgal |
Na mañá do mércores 31 recibiremos a Antón Cortizas. Nesta ocasión, os agasallados serán o alumnado de 4 anos co contacontos "Os dez Animais" e os de 5 anos de E.I. con "Aqueles animais da Sabana". Porque ler é un xogo que nos leva a mil lugares e no que podemos ser outra persoa, outro animal, permítenos sentir como o protagonista da historia, viaxar a outros tempos... fantasear. Esta actividade pertence ao programa "Lectura e familias" da Asesoria de Bibliotecas Escolares de Galicia.
|
E TI COMO LLE CHAMAS? PROXECTO "Aprendendo, naturalmente!" #FamiliasnaBE #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas |
Buscamos das vosas aportacións! Avoas, avós, tíos, madriñas, tías, padriños, veciña, veciño, papá, mamá, curmá... Se sabes outro nome polo que corran estas aves e paxaros, algún dito sobre elas, algún refrán... colle un papel, apunta e traeno á BIBLIOTECA ESCOLAR "CARLOS LABRAÑA", no CEIP NICOLÁS DEL RÍO. Se non podes vir nas redes tamén podes escribir, contesta no Facebook ou no Twitter da biblioteca e recolleremos a túa aportación.
|
CONVOCATORIA PARA AS FAMILIAS - FORMACIÓN DE USUARIOS #Formacióndeusuarios #bescolaresgal #bescolaresgalabertas |
Agora é a quenda da comunidade educativa e os diferentes axentes sociais. O vindeiro 15 de decembro, o voluntariado de 6º de primaria levará a cabo unha formación de usuarios para as familias. Para realizar esta visita agradecemos que vos apuntedes seguindo as indicacións do cartaz, aínda que non queremos que ninguén quede sen facer a visita, se é que pode vir no último momento. A rapazada vos guiará pola Biblioteca Lía a través dunha presentación, vos explicará que é a CDU, fará un mini xogo e vos acompañará a unha visita guiada polas instalacións. A formación durará aproximadamente unha hora. Esta formación é algo necesario e importante, as portas da biblioteca e da escola ábrense ese día para que as familias coñezades un espazo cheo de recursos, que alberga múltiples proxectos. Un espazo que é da rapazada pero tamén do pobo. Esperamos vervos o 15 de decembro ás 12:30h. na Biblioteca Escolar "Carlos Labraña".
|
ESPECTÁCULO FAMILIAR RAIO THE LOUBICAN CON TON ARENAS, MIRCROMINA #FamiliasnaBE #arte #bibliotecacreativa #bibliotecainclusiva #LIA #bescolaresgal #bescolaresgalabertas |
Utilizando tres técnicas de manipulación, Ton Arenas, da compañía Mircromina, trae ao escenario a Antolín o bailarín, o veciño e ao can Linkecho que fai
as delicias de todos os asistentes.
Non puidemos máis que morrer coa risa e pasar un bo anaco de diversión en gran familia.
|
CRÍTICA CONSTRUCTIVA DA NOSA VILA #bescolaresgal #bescolaresgalabertas #letrasgalegas2023 #franciscofernándezdelriego #Radionabiblio #AMI #aBEtenapalabra |
O alumando de primeiro fixo unha tertulia na que expuxeron varias cousas que lles disgustan e posibles solucións.
Posteriormente escribiron unhas cartas para entregarlles ás persoas que nos representan e poden trasladar estas inquedanzas
a un pleno, un claustro... e ter en conta a súa opinión. Fai uns días achegáronse a xunto o director do noso cole,
Alejandro Martínez. Hoxe tocou visita ao Concello de Cedeira, para trasladar a súa petición a Pablo Moreda, o alcalde. Para darlle difusión á tertulia, crearon un programa de radio que participa no concurso de Radio na biblio.
|
CLUB LECTURAS CON ANTÓN CORTIZAS #bibliotecacreativa #bescolaresgal #bescolaresgalabertas |
O 18 de Maio, pola mañá, o alumnado do Club de Lecturas recibirá a visita de Antón Cortizas. Conversarán sobre os seus libros, entre eles sobre "O merlo de ferro" e realizarán unha xornada de obradoiros ao redor da lectura. Recordade traer tapas de latas e bugallos de carballo. Agradecer á Asociación Arce que nos puxese en contacto.
|
ESPAZOS SEGUROS PARA A INFANCIA 2 - LECTURA E FAMILIAS #LecturaeFamilias #bescolaresgal |
Coa intención de crear espazos seguros para a infancia, traballar a educación afectivo sexual e a prevención do abuso nos menores; compartimos coas familias (nesta ocasión) unha serie de vídeos. Trátase dun material pedagóxico que se fixo en Cataluña co alumnado de centros escolares para previr os abusos sexuais. Son catro vídeos que teñen continuidade entre si. Os tres primeiros capítulos están en formato obradoiro e amosan o traballo realizado co alumnado de 4º de primaria onde se traballan as sensacións agradables e desagradables de proximidade ou contacto físico íntimo con persoas descoñecidas e con persoas do ámbito relacional próximo. O obxectivo é capacitar á infancia na identificación de situacións de seguridade e inseguridade neste ámbito co fin de previr o abuso sexual infantil.
O cuarto capítulo está dirixido a familias, profesores, educadores e a todas aquelas persoas adultas que dun xeito ou outro se encargan da educación da rapazada. Inclúe fragmentos de entrevistas a profesionais da sanidade, policías e organismos especializados e dous obradoiros un con profesionais e outro con familias.
|
II RUTA INTERXENERACIONAL "Aprendendo, naturalmente!" #FamiliasnaBE #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas |
Iniciamos Abril coa II Ruta Interxeneracional, enmarcada no proxecto "Aprendendo, naturalmente!". Convocamos a toda a comunidade educativa e calquera outra persoa que desexou unirse. O tempo estaba algo nuboso e caían unhas pequenas gotas de choiva. Pero tíñamos diante a dous naturalistas, unhas eminencias, Antonio Martínez Pernas e Rafael López Loureiro, votamos comezar a andaina, non se podía desaproveitar a ocasión. Incluso comentouse que con ese tempo, veríamos cousas que igual non se ollan nun día de sol.
Eles fixeran esa ruta unha semana antes e dixeran que aínda reinaba a invernía na Fraga dos Casás. Con paraugas e chuvasqueiros adentrámonos por unha senda de eucaliptos, pasamos un pinar, para descobrer despois dun pedazo o que detrás se agochaba, unha fermosa Fraga, que en tan só unha semana comezou a florecer. Observamos a mapoula das fragas, Anemone, súa saída indica o inicio da primavera. Ollamos espárragos, castiñeiros... unha fraga limpa e verde. Conversamos do uso que tivo noutros tempos, dos carboeiros que recollían a madeira e a enterraban para queimar e converter en carbón natural, a fraga non estaba soa naqueles tempos, senón que a xente realizaba moitas labores nela. Hoxe eses coidados teñen que basearse en non intervir nela, non levar nin traer especies, usar as sendas, mirar onde pisamos e ollar con atención. Facer que permanezan. Esta é unha pequena mostra da Ruta da Fraga dos Casás. Antonio Martínez Pernas identificou correctamente unha orquidea galega: Ophrys kallaikia que era confundida por outra. Podedes consultar o estudo con profundidade, clicando no nome científico. Foi unha oportunidade marabillosa para conversar e resolver dúbidas, in situ, con dous naturalistas estupendos! Moitas gracias por espallar a vosa sabiduría!
|
SAÍDA DIDÁCTICA AQUARIO E MUSEO DAS CIENCIAS #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal |
O alumnado de 1º realiza unha saída na que recollen información para o PDI, sobre a fauna dos nosos mares.
|
CURTAMETRAXE "A GATA BENITA" #arte #radionabiblio #bibliotecacreativa #bibliotecainclusiva #LIA #bescolaresgal #bescolaresgalabertas |
O alumnado de terceiro de primaria explícanos como realizaron a súa curtometraxe "A gata Benita!.
Con ela participarán no concurso: Nos tamén creamos. Compartimos con vos está ledicia!
|
PROXECTO "APRENDENDO, NATURALMENTE!" - DOCUMENTACIÓN #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas |
O alumnado inmerso no proxecto acude á Biblioteca para buscar
información en libros e en diversos blog que ofrecen información fiable.
Podemos recomendar: Ao noroeste do Noroeste de Rafael López Loureiro
O arquivo científico Macaulaylibrary e SEO Birdlife. E por suposto, unha manche de fondos que temos na biblioteca!
|
DESPEDIDA DO CLUB LECTURAS "CHOCOLATE CON LIBROS" #Clubsdelectura #bescolaresgal #bescolaresgalabertas |
Este 19 de xuño dixemos deica logo aos Club de Lecturas "Chocolate con Libros". Desexándonos boas lecturas de verán (podedes ollar as recomendacións lectoras abaixo) moitos voltaremos en setembro. Desexarlles o mellor e moitas visitas, ao alumnado de sexto na súa nova etapa. Unha vez máis, igual que o curso pasado, o tempo non acompañou. A choiva deixounos saboreando uns ricos xeados de chocolate e lucindo as nosas camisetas lectoras na biblioteca, de seguro serán un bo complemento para este verán, e quen sabe... Igual ata se poñen de moda! Enchede a vosa alma de risas e libros. Bo verán rapazada!
Se algún non realizou o formulario de avaliación, agradecemos o faga clicándo aquí se es de 3º ou 4º ou aquí se es de 5º ou 6º. Aquí as recomendacións lectoras para o verán! |
ANTÓN CORTIZAS NO CLUB DE LECTURAS - OBRADOIRO DE VERBAS E XOGOS #Clubsdelectura #EscribiraBE #bibliotecacreativa #bibliotecainclusiva #LIA #bescolaresgal |
Despois da lectura do Merlo de Ferro e a Merla de Trapoo alumnado do Club de Lecturas "Chocolate con Libros"gozou dun obradoiro con Antón Cortizas o autor de ámbolos dous libros
e dunha morea máis que temos na biblioteca. Antón,
é escritor, sabe xogar coa palabra pero tamén de xogo,
ese que se fai con bugallos, trozos de lata, papeis...con calquera material que nos proporciona a
natureza ou é de refugallo. Así crearon chifres con sons,fixeron paxaros en papiroflexia,unha curuxa con bugallos,leron a poesía musicada "No mundo hai un país"de Guadi Galego, xogaron coa palabra, fixeron O bico do galo...
Temos que agradecer á Asociación Arce quen nos puxo en contacto con Antón, o cal nos agasallou con verbas e xogos. Gracias Antón Cortizas para facer medrar a nosa lingua!
|
XOGOS TRADICIONAIS GALEGOS - PRESENTACIÓN DO LIBRO #bibliotecacreativa #bescolaresgal #bescolaresgalabertas |
O vindeiro 18 de Maio teremos a sorte de gozar dun obradoiro de Xogos Tradicionais, tanto para a rapazada como para os adultos. Pois o xogo non ten idade! Diso saben moito as persoas que nos acompañarán: Antón Cortizas, Paco Veiga e Zeltia Labraña; autores de "Xogos tradicionais galegos para tempos de recollida" (elaborado durante o confinamento).
Se queres participar tes que cubrir o formulario ou apuntarte na escola, antes do 12 de Maio. Comezaremos ás 17:30h. ata as 19:00h cos xogos para tódolas idades e públicos e remataremos coa presentación do seu libro. Anímate a participar! Esta é unha actividade para toda a comunidade!
|
ESCRITURA MÁXICA @11defebreroES #11F #Ciencia #Igualdade #Axenda2030 #ODS5 #Bescolaresgal #bescolaresgalabertas |
O obradoiro introdúcese cunha pequena historia de Enola Holmes,
gran detective, contándolles como con pequenos experimentos (que parecen máxicos) resolve crimes.
A rapazada xa está enganchada aos cómics de Enola de Serena Blasco
(podedes collelos na biblioteca) e xa teñen tamén versión cinematográfica.
Xa dentro da historia, só queda participar, escriben algo nun papel con auga e
bicarbonato, o deixan secar e cun pouquiño de zume de uva,
chachán vemos a mensaxe secreta.
|
PROXECTO "MÚSICA, MAESTRO!" #Nadal#Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas |
Esta semana avoas e avós do Taller de memoria achegáronse ata o cole, despois de diversas reunións e ensaios para amosarnos tradición oral. Somexirdos nun mar de contacontos e cancións da vila gozamos de intres fermosos acariñados polas verbas do saber. Avoas e avós de moitos de nós espallaron un legado oral que agora temos que protexer con sumo coidado. Temos que protexelo do esquecemento e un bo xeito e contando e cantando. Esta entrada irá medrando co paso dos días, pois é moito o material que nos ofreceron. O mellor de todo e que floreceron lazos e esta non será a última vez que coincidiremos. Realizaremos diversas reunións ao seu carón, pois é tanto o que saben que moito dubidamos que un ano chegue para contalo. Gracias avoas e avós!
|
PITIÑOS DE PASPALLÁS #PDI #ALFIN #AMI #ciencia #FamiliasnaBE #bibliotecacreativa #bibliotecainclusiva #LIA #bescolaresgal |
Pode parecer curioso vivindo nunha vila, pero moita desta rapazada xamais tocou un pitiño e incluso algúns só os viron en fotos e os ovos chegan ás súas casas xa envasados. Por iso, a avoa de David, Pura, acompañada da súa neta Sheila trouxo á biblioteca pitiños de paspallás e de pita. Para ofrecer a
oportunidade de tocar, escoitar, observar de pretiño estas aves.
Despois de saciar a primeira curiosidade veu unha fermosa rolda de preguntas, das que a avoa Pura resolveu tódalas incognitas.
Gracias familias por vir e achegar á escola a vida!
|
DE EIRUGA A BOLBORETA #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal |
Xa as temos aquí, o ciclo está na súa fase final. Moitas delas xa puxeron os ovos e outras están a punto.
|
Proxecto SuperReto Digicraft #ALFIN #AMI #ciencia #bibliotecacreativa #bibliotecainclusiva #LIA |
O alumnado de 5º de E.P. participante en Digicraft realizou un proxecto interdisciplinar que vos queren amosar. Viaxaron polo espazo na procura de recursos sostibles e atoparon un planeta novo moi especial.
|
SLIME - OBRADOIROS DO ALUMNADO @11defebreroES #11F #Ciencia #Igualdade #Axenda2030 #ODS5 #Bescolaresgal #bescolaresgalabertas |
Carmen elaborou un obradoiro de Slime,
informouse ben nos libros para saber os pasos correctos, cubriu o formulario, fixo o cartaz e deu as indicacións para que todas e todos os apuntados fixeran o seu Slime.
Logo puideron levalo para seguir experimentando cos sentidos.
Un obradoiro pegañento, pero moi motivador. Gracias Carmen!
|
MOCHILAS VIAXEIRAS NA CASA #Mochilasviaxeiras #FamiliasnaBE #bescolaresgal #bescolaresgalabertas |
Un anaquiño da biblioteca viaxa semana a semana á casa do alumnado! Agasallando con verbas e intres de compartir lecturas en familia, ao calor do fogar e coa mellor compaña.
|
VISITA BIÓLOGAS - ARCE #FamiliasnaBE #PDI #ALFIN #AMI #ciencia #bibliotecacreativa #bibliotecainclusiva #LIA #bescolaresgal #bescolaresgalabertas |
A través da Asociación Arce, recibimos a visita de Victorina Rey Quintiana, Mari Carmen Rodríguez Tizón e María José Leira Ambrós biólogas coas que contactou Camilo. Elas aportaron unha inmensa documentación ao proxecto, sobre a flora e a fauna da nosa contorna, no que estamos inmersos. Biólogas, alumnado e mestras conversaron sobre: cadeas tróficas, o paseo do Condomiñas, o bosque de galería, a flora autóctona, as invasoras... Adobiaron a conversa cunha presentación e un vídeo que quedou para uso do alumnado e que consideramos de gran valor documental.
Agora con esa documentación e o tríptico realizado por elas e enviado polo Concello de Cedeira, poderán realizar un percorrido para atopar as especies estudadas. Agradecer a todos os implicados a súa colaboración!
|
CONTO VAI, CONTO VEN #Lecturascompartidas #bescolaresgal #bescolaresgalabertas |
O alumnado de catro anos leva unhas mochilas viaxeiras os luns, cheas de historias, xogos e risas que voltan á escola os xoves. Cada unha leva un conto e un obxecto relacionado con él.
|
- « primeira
- ‹ anterior
- …
- 26
- 27
- 28
- 29
- 30
- 31
- 32
- 33
- 34
- …
- seguinte ›
- última »