VIII CONCURSO DE FOTOGRAFÍA DIXITAL
"ESTOU DE CINE"
Un ano máis, o Equipo TIC en colaboración co Equipo de Dinamización da Lingua Galega, convoca o VIII Concurso de Fotografía Dixital dirixido a todo o alumnado do centro.
A participación no mesmo supón a aceptación das seguintes BASES:
- Poderán participar todas as familias que teñan fillos/ as matriculados no noso centro.
- Só se admitirán fotos de creación propia (non descargadas ou copiadas de internet) en formato dixital j-pg.
- As fotografías serán enviadas ao correo electrónico ceipnantes.tic@gmail.com antes do domingo 13 de febreiro. No asunto deberá constar o nome e o curso do alumno/a.
- O tema será “Estou de cine”: fotografías nas que a temática sexa o cine (escenas, personaxes, obxectos....) Cada foto deberá acompañarse dun lema en galego.
- Non poderán aparecer os nenos/as participantes nin membros recoñecibles da súa familia.
- Todas as fotos serán publicadas na páxina web do Centro.
- Poderase participar cunha foto por alumno/a.
- As fotos serán expostas no colexio e na páxina web.
- Todos os participantes recibirán un diploma e unha copia impresa da súa fotografía.
- O gañador/a será elixido polos alumnos do centro mediante votación os días 21 e 22 de febreiro.
- O premio consistirá nunha memoria USB, un diploma acreditativo e a publicación da súa fotografía no número deste ano da revista “Novas de Contumil”. A foto gañadora pasará a ser propiedade do colexio.
- O premio entregarase o venres 25 de febreiro, coincidindo co Entroido.