BENVIDOS E BENVIDAS AO NOSO CENTRO
TABOLEIRO DE SECRETARÍA
FORMALIZACIÓN DE MATRÍCULA CURSO 2024-205 ( Só alumnos/as que se matriculen por primeira vez no centro) O prazo para formalizar a matricula é do 20 ao 30 de xuño. A documentación a presentar está dispoñible na secretería do centro. Tamén a podedes descargar AQUÍ.
FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR 2024-2025 No DOG do 20 de maio de 2024 publicouse a Orde do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria e educación especial en centros docentes sostidos con fondos públicos para o curso escolar 2024/2025. NORMAS XERAIS - PRAZO: Do 21 de maio ao 21 de xuño, ambos inclusive. - Só se presentará unha única instancia para todos os fillos e fillas admitidos no mesmo centro para o curso 2024/2025. - As solicitudes pódense presentar das seguintes formas: De xeito presencial, recollendo o modelo ED330B na secretaría do centro ou descargandoo aquí. Telemáticamente, a traves da aplicación fondo libros ou sede electrónica. DOCUMENTACIÓN - Anexo I ( deberá vir asinado polos dous proxenitores). -Anexo II para a comprobación dos membros computabes da unidade familiar , agás o solicitante. -Copia do libro de familia, onde figuren os membros computables da unidade familiar. En caso de separación ou divorcio deberase achegar a sentenza xudicial e/ ou convenio regulador onde conste a atribución da custodia do/ a menor. INFORMACIÓN DE INTERESE - Para o cálculo da renda da unidade familiar terase en conta o exercicio fiscal 2022. -Terase en conta a situación persoal e a composición da unidade familiar a 31 de decembro de 2022 agás cando a sentenza de separación ou divorcio posterior a esta data atribúa a custodia exclusiva a unha das persoas proxenitoras. - Nos casos de violencia de xénero non se incluirá ao agresor na solicitude e non se terán en conta os seus ingresos. Tampouco se terán en conta os ingresos do outro proxenitor cos casos de custodia exclusiva. - O alumnado de 5º e 6º de primaria, incluídos no proxecto Edixgal poderán solicitar axuda para adquirir material escolar cando reúna os requisitos establecidos na orde. PRAZOS 18 de xuño : Data límite para a entrega dos libros do fondo emprestados neste curso 2023/2024. 21 de xuño: Data límite para a entrega da solicitude e documentaicón para a solicitude das axudas de libros e material para o curso2024-2025. 1 de xullo: Publicación da resolución provisional do fondo de libros no taboleiro do centro. 2 e 3 de xullo : Período de reclamación á adxudicación provisional. 4 de xullo: Publicación da relación definitiva no taboleiro do centro. 4 e 5 de xullo : Entrega dos vales de libros e material aos solicitantes que teñen dereito.
ADMISIÓN ALUMNADO PARA O CURSO 2024-25
AVISO IMPORTANTE Todas as solicitudes de admisión que se presentaron para 4º de Educación Infantil están admitidas.
No caso das solicitudes para 1º de primaria, dada a insuficiencia de postos escolares dispoñibles para atender todas as solicitudes de admisión presentadas para o curso 2024/2025 e de conformidade co disposto no artigo 30.2 da Orde de 21 de outubro de 2022, ábrese un prazo de 10 días hábiles para a presentación, de forma presencial, da documentación xustificativa dos criterios de baremo alegados para realizar a valoración e establecer a orde de prelación das solicitudes que se relacionan. O prazo será do 21 de marzo ao 11 de abril , ambos inclusive.
Para calquera dúbida podedes chamar á secretaría do centro :982870890
ADMISIÓN ALUMNADO Prazo de presentación de solicitudes O prazo de presentación de solicitudes será do 1 ao 20 de marzo. Documentación necesaria: -Solicitude admisión (Modelo ED550B) debidamente cuberto e asinado. Pódese presentar a través da aplicación admisión alumnado, sede electrónica ou presencialmente no centro. -Fotocopias do libro de familia. -Fotocopia do DNI do pai e nai , ou titores legais e do alumno/a ( de telo). -Fotocopia da tarxeta sanitaria. -Informe médico. -Certificado de convivencia/empadroamento expedido polo Concello e que acredite o domicilio de todos os membros da unidade familiar. -Dúas fotografías tamaño carné. CALENDARIO PROCESO DE ADMISIÓN -Praso de solicitude: do 1 ao 20 de marzo -Publicación de listaxes provisionais de admitidos: 25 de abril -Publicación listaxes definitivas de admitidos : 15 de maio -Formalización de matricula: do 20 ao 30 de xuño NORMATIVA QUE REGULA O PROCESO Decreto 13/2022, do 3 de febreiro, polo que e regula a admisión de alumnado e a Orde do 21 de outubro de 2022.
VACANTES QUE OFERTA O CENTRO
XORNADA DE PORTAS ABERTAS Aquelas familias que o desexen poden visitar o noso centro o vindeiro 28 de febreiro ás 16:00 h.
RESERVA PRAZA CURSO 2024-2025 As familias que queiran que o seu fillo ou filla estude 1º de Educación Secundaria Obrigatoria no IES Santiago Basanta Silva, centro de adscrición do CEIP Manuel Mato Vizoso deberán entregar a solicitude de reserva de praza (anexo I) do 15 de xaneiro ao 5 de febreiro. Formas de presentación de solicitudes:
BECAS PARA O ALUMNADO CON NECESIDADE ESPECÍFICA DE APOIO EDUCATIVO 24/25
Recordar que estas bolsas están dirixidas ao vindeiro curso 2024/25, polo que o alumnado que vaia continuar os seus estudos noutro centro deberá de presentar a documentación anteriormente citada nese mesmo centro (é dicir, para alumnado de 6º de Educación Primaria que promocione á ESO, deberán de presentar a documentación no IES correspondente ou análogo).
Para máis detalles consultar infografía aquí.
|
||||
|
GRADUACIÓN 6º DE EDUCACIÓN PRIMARIA.
O pasado xoves, día 20 de xuño, vivimos unha xornada emocionante da man do alumnado de 6º de Primaria, que se graduou na súa etapa da Educación Primaria, para comezar unha nova na Secundaria, e aínda que os botaremos moito de menos, sempre os teremos presentes nos nosos corazóns.
Deixades pegada en nós rapaces e rapazas de sexto!
MOITA SORTE!!!
Saída pola Vila de 5º de E.Primaria.
Hoxe, o alumnado de 5º realizou unha saída pola Vila coa que pretendían practicar a descrición de lugares, pero ademais tiveron a posibilidade de coñecer algo máis sobre a Revolta Irmandiña, o torreón dos Andrade e a casa blasonada do coronel Pena.
Premede na imaxe para ver máis sobre esta xornada tan produtiva.
SAÍDA DE 3º E 4º DE E.PRIMARIA A CORAX FAUNA.
Onte, o alumnado de 3º e 4º de Educación Primaria, visitou Corax Fauna, no municipio de Paderne, Na Coruña. Alí, non só puideron observar variedade de animais, senón que realizaron talleres para descubrir máis sobre eles e pasaron un bo rato gozando da natureza.
Premede na imaxe para poder ver as fotos:
Obradoiros de competencias emocionais para familias
O concello de Vilalba está a organizar uns obradoiros de competencias emocionais para as familias da comarca, o vindeiro luns 27 é a segunda xornada dedicada a xestión de conflitos no fogar; límites e tolerancia á frustración. Deixámosvos a continuación o cartaz e animámosvos a acudir:
FESTIVAL LETRAS GALEGAS 2024
O xoves 16 de maio, celebramos o festival das nosas Letras no centro. O alumnado de sexto fixo un percorrido polos homenaxeados e homenaxeadas máis relevantes do día das Letras Galegas e o resto de alumnado participou cos bailes e cancións que estiveron preparando durante un longo tempo. Agardamos que vos guste.
Preparádevos para ver un verdadeiro espectáculo!
SAÍDA AO MUÍÑO PEDROSO. 2º E.PRIMARIA
Onte, 15 de maio, o alumnado de 2º de Educación Primaria, realizou unha saída á Area Recreativa do Muíño de Pedroso, en Narón. Onde, ademais de poder visitar e aprender sobre o muíño, puideron realizar obradoiros de pan, de la e de cosmética natural. E aínda que o tempo non acompañou, canto aprendemos e que ben o pasamos!
Premede na imaxe de abaixo para poder ver as fotos:
![CEIP Manuel Mato Vizoso RSS Distribuir contido](/centros/ceipmatovizoso/misc/feed.png)