O CEIP DO BELELLE

DÍA DE ROSALÍA

Mér, 23/02/2022 - 13:14

Ilustración Abi Castillo

Para celebrar o Día de Rosalía de Castro, entre todas as clases do cole creamos un gran documental no que todos xuntos investigamos, aprendemos, xogamos e bailamos con esta gran escritora.

Ollade que gran traballo fixemos:

E xa está aquí o Entroido! Deixámosvos a continuación os mandatos do Meco deste ano. Lembrade que non son acumulativos. Cada día traeremos unha cousiña do noso disfrace de pirata e o derradeiro día, o venres, traeremos o disfrace completo.

DÍA DA PAZ 2022

Mér, 09/02/2022 - 23:45

Polo día da Paz, entre todos os nenos e nenas do cole montamos esta bonita e colorida pomba da Paz.

Ademais cada clase decorou un bonito cartel:

E para rematar todos xuntos fomos á pista de fútbol (iso si cada clase burbulla por separado para cumprir as normas COVID)

e alí soltamos NIN MÁIS NIN MENOS QUE CEN POMBAS MENSAXEIRAS que esperemos que leven os nosos desexos de paz moi lonxe.

MOI FELIZ DÍA DA PAZ PARA TODOS/AS!

RESERVA DE PRAZA IES FERNANDO ESQUÍO CURSO 22/23

Mér, 12/01/2022 - 21:45

Quen pode reservar praza?

O alumnado de 6º de EP que teña previsto matricularse no IES Fernando Esquío no vindeiro curso 2022/2023 en 1º ESO.

Prazos

Do 11 de Xaneiro ata o 8 de Febreiro.

Documentación a presentar

Anexo I (en galego ou en castelán) . O titor entregará aos alumnos e alumnas unha copia do mesmo. Tamén pode descargarse nos seguintes enlaces:

Anexo I (Galego)

Anexo I (Castelán)

ou cubrirse de forma electrónica a través da aplicación Admisión alumnado ( www.edu.xunta.es/admisionalumnado) , no menú:

Solicitudes - Reserva - crear

Lugar de presentación da solicitude

Opción 1: Entregar a solicitude debidamente cuberta e asinada, de xeito presencial no centro ao seu titor.

Opción 2: Presentar a solicitude pola sede electrónica da Xunta de Galicia ou na web de admisión de alumnado con usuario de Chave 365 ou con certificado dixital.

IMPORTANTE!!!

Se non se desexa reservar praza no IES adscrito, NON se deberá cubrir a solicitude. Terán que facer a solicitude de admisión no outro centro no mes de marzo no prazo establecido para dito trámite.

VISITA DOS REIS MAGOS

Mér, 12/01/2022 - 20:32

Un ano máis, no colexio recibimos a visita das súas Maxestades os Reis Magos de Oriente para recoller as cartas que con tanta ilusión escribimos.

Ao igual que o ano pasado, no nos xuntamos todas as clases por mor do COVID senón que cada aula burbulla foi coa súa titora ao patio cuberto a levarlles as cartas.

Aquí vos deixamos algunha fotiña:

CAMPANADAS 2021

Mar, 21/12/2021 - 02:27

Canción colectiva: Siempre es Navidad junto a ti

Mar, 21/12/2021 - 01:56

E con esta canción colectiva que fixemos entre todas as clase, queremos desexarvos...

MOI FELICES FESTAS!

EXPOSICIÓN DE CABAZAS

Xov, 28/10/2021 - 23:29

Queredes ver as arrepiantes cabazas que trouxeron os nenos e nenas do cole? Ollade,ollade.

CESTIÑO PARA CASTAÑAS

Mér, 20/10/2021 - 09:24

O vindeiro día 29 de outubro celebraremos no cole a festa do SAMAGOSTÍN. Ademais doutras actividades, degustaremos coma sempre as ricas castañas asadas que un ano máis nos proporcionará a ANPA.

Para botar as castañas, precisamos que ata o 26 de outubro como máximo, traiades un cartón de leite cortado,limpo e seco para facer o cestiño.

Déixámosvos unhas fotiños para que veñades como tedes que facelo: