Dende o martes día 1 e ata o 21 de marzo permanecerá aberto o prazo de solicitude de admisión nos centros escolares para o vindeiro curso 2022/23, para todo o alumnado que se matricula por primeira vez no sistema educativo, así como para aqueles alumnos que desexan cambiar de centro escolar sempre que haxa prazas dispoñibles.

As prazas dispoñibles publícanse no taboleiro de anuncios do centro.

Unha vez pechado o prazo de solicitudes, as listas provisionais de admitidos e excluídos publicaranse o día 25 de abril, as definitivas antes do 15 de maio e o prazo de formalización de matrícula será do 20 ao 30 de xuño.

A solicitude pódese facer de forma telemática ou de forma presencial recollendo o impreso no centro.

Documentos solicitude

• Solicitude segundo o Anexo II
• Solicitude en liña a través da aplicación da Consellería de Educación
• Documento acreditativo do requisito de idade do alumno/a (fotocopia do DNI do alumno/a ou fotocopia do libro de familia)

Dende comezos de febreiro contamos cun auxiliar de conversa que nos apoia nas materias de inglés e plástica bilingüe.

O seu nome é Rishab, e procede da India. Estes días fixo unha presentación para o alumnado sobre o seu país e as súas tradicións.

Velaquí a presentación que compartiu connosco.