Nesta xornada de venres, todo o centro acudimos ao noso horto para recoller algúns dos froitos que xa empezan a brotar no invernadoiro.
Tiñamos moitas plantas dunha semente en concreto que naceu moi ben, polo que o alumnado aprendeu como transplantar unha planta e estivo a mover esta especie a outra zona do invernadoiro.
Logo, aproveitando a ocasión, reciclamos algunhas botellas de plástico que tiñamos como residuos do comedor escolar, e empregámolas para que cada nena e neno levara ese día para a súa casa un exemplar.
Foi un gran traballo en equipo!
