O CONSELLO ESCOLAR é o instrumento de participación na vida escolar de todos os sectores educativos do centro. Cada dous anos, no mes de novembro, teñen lugar as eleccións ao Consello Escolar.

De acordo coa Resolución do 10 de setembro de 2024, pola que se establece o calendario para a celebración de eleccións de membros dos consellos escolares, a XUNTA ELECTORAL deste Centro, dispón a convocatoria de eleccións ao Consello Escolar, SECTOR DE PAIS E NAIS DO ALUMNADO, segundo as seguintes normas:

1. Corresponde elixir no presente proceso electoral a 3 pais/nais, (un deles quedou vacante nas anteriores eleccións), dun total de 5 que debe ter o Consello Escolar. Os outros 2 representantes de pais/nais continúan como consecuencia da súa elección anterior, no ano 2021, xa que a renovación é sempre parcial.

2.- Son electores todos os pais e nais ou, se é o caso, os titores/as legais do alumnado matriculado no Centro e incluídos no Censo correspondente que a partir do día 30 de outubro está exposto no taboleiro de anuncios. As reclamacións ao referido Censo realizaranse mediante escrito razoado dirixido á Xunta Electoral, ata o día 6 de novembro.

3.- Son elixibles os pais e nais ou, se é o caso, os titores/as legais, que formulen a súa candidatura oficial segundo o modelo que se facilitará na Secretaría do Colexio. As candidaturas poderán ser presentadas dende o día 1 de novembro ata o día 8 de novembro.

4.- O sorteo dos membros da mesa electoral realizarase en acto público, entre os pais/nais que non se presenten como candidatos/as, o día 11 de novembro, ás 9:30 h na biblioteca do centro. Dita mesa electoral estará composta polo/a Director/a do Centro, que actuará como Presidente/a, e catro pais/nais ou titores/as legais, actuando de secretario/a o de menor idade.


5.-As votacións das familias realizaranse neste Centro o día 19 de novembro.co seguinte horario:

     Mañá: De 9:15 a 10:15 h  e  de 13 a 13:45 h  

     Tarde: De 17:00 a 18:00 h.

 A mesa electoral será constituída o mesmo día, en acto público, ás 9 horas.

6.- Na papeleta de votación cada elector/a fará constar un máximo de 2 nomes dos candidatos presentados, debendo acreditar a súa personalidade a hora de votar, mediante exhibición do D.N.I. ou documento similar. O voto será directo, secreto e non delegado e non se admitirá o voto por correo.

7.- Teñen dereito ao voto o pai e a nai ou, se é o caso, o/a titor/a legal do alumnado.

8.- Finalizada a votación procederase ao escrutinio dos votos, que será público, e unha vez realizado, levantarase acta para o seu envío á Xunta Electoral do Centro.

Dende o centro animamos aos pais/nais a acudir a votar o

MARTES día 19 DE NOVEMBRO en horario de mañá de 9:15 a 10:15h e de 13 a 13:45h, e en horario de tarde de 17 a 18h