PLAN MELLORA DE BIBLIOTECAS ESCOLARES CURSO 2011-2012

"VALORES ARREDOR DOS AUTORES II"

Neste novo curso que comeza continuamos co noso proxecto da biblioteca. Da man dos contos, o alumnado terá a oportunidade de reflexionar e actuar en sintonía coa súa madurez e realidade. Cunha linguaxe próxima acercaremos ao alumnado ao mundo da fantasía o que lle axudará a  desenvolver a súa propia imaxinación.

Por outra banda vemos positivo e necesario seguir traballando cos contos, pois foron útiles para a análise de feitos reais, modificar actitudes, comparar calidades e capacidades, fomentar a empatía... Pero, sobre todo, traballar e cooperar en equipo.

É por iso que imos continuar nesta liña de actuación para presentar e incorporar uns novos VALORES (RESPECTO AOS MAIORES, AMIZADE E XENEROSIDADE, SINCERIDADE) moi próximos a eles, sen deixar de afondar e consolidar os valores do esforzo, o respecto ás diferenzas e a responsabilidade, fundamentais para o seu crecemento integral.