APERTURA PRAZO SOLICITUDE SERVIZO DE COMEDOR 2024-2025

IMPORTANTE:  Ábrese o prazo para solicitar o servizo de comedor para o curso 2024-2025. Entregar solicitude, Anexo II e toda a documentación acreditativa que sexa, xunto coa solicitude.

Nota: As usuarias e usuarios de comedor que non estean ao corrente das súas obrigas de pagamento do curso pasado, isto é, que teñan pendente de aboamento calquera cantidade pola utilización do servizo, non poderán figurar nas listas provisionais de usuarios admitidos ao comedor.

Prazo:   do 17 ao 25 de xuño, ambos os dous incluídos,

en horario de 9.00 a 14.00 horas.

Presentación presencial, sen cita previa. SOLICITUDE E ANEXO II, nos adxuntos. Facilítaranse no centro  as copias impresas. Pode entregar a solicitude outra persoa autorizada.

Aos efectos de facilitar ás familias o cálculo do importe das tarifas polo uso do servizo de comedor escolar, incorpórase unha calculadora a través da páxina web da consellería que facilita o cálculo en función da renda neta per cápita da unidade familiar e do número de menores e idade escolar. O acceso a calculadora estará dispoñible a través do link:

  https://www.edu.xunta.es/comedores/calculadora.jsp

Comunicarase pola web a data de publicación das listas provisionais de admitidos e listas de reserva no taboleiro interior do centro.

CRITERIOS DE ADMISIÓN NO SERVIZO PARA REVISAR E BAREMAR POR    ORDE DE PREFERENCIA

1. Alumnado usuario habitual do servizo de comedor no curso escolar anterior, salvo que variase substancialmente o criterio polo cal fose admitido.
2. Alumnado usuario de dereito do servizo do transporte escolar, nos termos establecidos na Instrución sobre a xestión do servizo de transporte escolar no curso escolar 2024-2025, que estableza a Consellería competente nesa materia
3. Agás no caso de alumnado escolarizado voluntariamente en centros fóra de zona, ter un/unha Irmán ou irmá que vaia a continuar matriculado no centro para o curso que solicite o servizo e sexa usuario do comedor escolar no momento de formalizar a solicitude.
4. Alumnado pertencente a unidades familiares que se atopen en situación
socioeconómica de exclusión social ou que teña unha discapacidade igual ou superior ao 33%, certificadas polos servizos sociais ou municipais correspondentes.
5. Alumnado membro de familias numerosas, monoparentais, situación acreditada
mediante certificación , título ou inscrición no rexistro correspondente
A asimilación ao descendente do fillo ou filla concibido ou concibida y non nacido ou nacida acreditarase mediante o carné familiar galego, e terá efectos unicamente dentro da comunidade autónoma de Galicia, artigo 12 da Lei 3/2011, de 30 de xuño, de apoio á familia e a convivencia de Galicia
6. Alumnado fillo de pais e nais, titores legais ou acolledores familiares, traballadores ambos os dous con incompatibilidade dos seus horarios laborais co horario de saída do seu fillo/a ao mediodía, acreditada documentalmentede xeito alternativo, mediante a seguinte documentación: informe de vida laboral, expedido polo organismo laboral competente, ou certificado da Unidade de persoal á que pertenza o empregado público; certificación da empresa, xustificativa da duración de xornada do horario de traballo; certificación xustificativa de alta no IAE, e unha declaración responsable, sobre a vixencia da actividade económica, e o horario que require a actividade, para o caso de traballadores por conta propia.
7. Outro alumnado do centro. Neste suposto inclúense aos escolarizados voluntariamente fóra da área de influencia que lles corresponde.
8.  Persoal docente e non docente que preste servizos no centro e non colabore nos labores de atención e apoio ao alumnado.