BENVIDOS E BENVIDAS
As clases comezan o mércores 11 en horario de 9:00h a 14:00h, agás o alumnado de 4º de Educación Infantil,
que manterá o horario que se lle comunicou durante o período de adaptación. O COMEDOR ESCOLAR
funcionará tamén dende o día 11 do presente mes.
COMEDOR ESCOLAR
En cumprimento da INSTRUCIÓN 2/2024 DA SECRETARÍA XERAL TÉCNICA DA CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL, DO 1 DE XUÑO, SOBRE FUNCIONAMENTO DOS COMEDORES ESCOLARES DE XESTIÓN INDIRECTA NO CURSO ESCOLAR 2024-2025
COMUNÍCASE
QUE ESTÁ ADMITIDO TODO O ALUMNADO QUE O SOLICITOU ( Consello Escolar de 28 de xuño de 2024)
Lémbrase que a mesma instrución recolle que: Os usuarios/as do servizo de comedor escolar que durante o prazo dun mes de xeito continuado non fagan uso do citado servizo coa frecuencia solicitada, causarán automaticamente baixa no servizo, agás causas debidamente xustificadas polos usuarios/as ante a dirección do respectivo centro educativo.
Os usuarios/as do servizo de comedor escolar que en tres ocasións non comuniquen a súa ausencia, antes das 9.45 horas do día que deba ter efecto, deberán ser suspendidos pola dirección do centro ao dereito ao uso do servizo de comedor durante 10 días.
De conformidade co previsto no artigo 14 do Decreto 132/2013 os centros farán chegar ás familias dos comensais admitidos provisionalmente ao comedor o modelo-impreso de autodeclaración de prezos públicos recollido no Anexo II desta instrución, autodeclaracións que deberán ser entregadas nos centros cubertas en todos os seus extremos antes do 01/09/2024.
Mediante o dito impreso os adultos que exerzan a patria potestade, a tutela ou o acollemento familiar dos alumnos autodeclararán as circunstancias de carácter persoal e de renda neta per cápita familiar correspondente ao exercicio fiscal 2023, anterior ao ano actual, e, conseguintemente, determinarán a contía da tarifa que lles corresponde aboar, de acordo costramos fixados no citado decreto.
PÓDESE DESCARGAR O MODELO DE AUTODECLARACIÓN ( ANEXO II) CLICANDO NA SEGUINTE IMAXE:
FONDO SOLIDARIO DE LIBROS DE TEXTO E AXUDAS PARA A ADQUISICIÓN DE LIBROS DE TEXTO E MATERIAL ESCOLAR CURSO 2024/25
Orde do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25 (códigos de procedemento ED330B, ED330G e ED330H).
- As solicitudes presentaranse preferiblemente por vía electrónica a través do formulario normalizado (ED330B - anexos I e II) accesible desde a sede electrónica da Xunta de Galicia.
- Opcionalmente, poderán presentarse presencialmente nos centros docentes ou en calquera dos lugares e rexistros establecidos na normativa reguladora do procedemento administrativo común.
- Os solicitantes das axudas deben cubrir unicamente os anexos I e II do procedemento ED330B e presentar a documentación necesaria.
Extracto da Orde do 7 de maio de 2024 (DOG)
Anexos I e II
Anexo II adicional
AXUDAS PARA ADQUIRIR LIBROS DE TEXTO
Para o alumnado de 1º e 2º de Educación Primaria. As axudas poden ser:
240€, se a renda per cápita familiar é igual ou inferior a 6.000€.
160€, se a renda per cápita familiar é superior a 6.000€ e igual ou inferior a 10.000€.
AXUDAS PARA ADQUIRIR MATERIAL ESCOLAR
Para todo o alumnado de Educación Primaria.
75€, se a renda per cápita é igual ou inferior a 6.000€ e alumnado
de EE ou cunha discapacidade igual ou superior ao 65 %.
60€, se a renda per cápita é superior a 6.000 € e igual ou inferior a 10.000 €.
FONDO SOLIDARIO DE LIBROS DE TEXTO
Para o alumnado de 3º e 4º de Educación Primaria. A cada alumno/a correspóndenlle:
6 libros, se a renda per cápita familiar é igual ou inferior a 6.000€ e alumnado cunha discapacidade igual ou superior ao 65 %
4 libros, se a renda per cápita familiar é superior a 6.000€ e igual ou inferior a 10.000€
PRAZO DE PRESENTACIÓN DE SOLICITUDES
Desde o 21 de maio ata o 21 de xuño de 2024( ambos inclusive)
DOCUMENTACIÓN A PRESENTAR
* Anexo I e Anexo II da orde debidamente cumprimentados (modelo ED330B),
* Libro de familia (orixinal e copia)
*En caso de separación ou divorcio, sentenza xudicial e/ou convenio regulador onde conste a atribución da custodia do/da menor.
* * Certificado do grao de discapacidade do alumno/a ou doutro membro da familia.
As solicitudes poden presentarse:
+Na administración do propio centro
+ Por vía electrónica a través da aplicación informática Fondolibros (https://www.edu.xunta.es/fondolibros)
+ A través da sede electrónica da Xunta de Galicia (http://sede.xunta.gal)
+ Poderase empregar calquera dos mecanismos de identificación e sinatura admitidos pola sede electrónica da Xunta de Galicia, o sistema de usuario e Chave 365 (https://sede.xunta.gal/chave365)
A solicitude será única para todos os fillos/as que estén admitidos no mesmo centro para o curso 2024/2025.No caso de que a solicitude se tramite por vía electrónica empregando a aplicación fondolibros será necesaria a presentación dunha solicitude por cada alumno aínda que estean no mesmo centro.
DEVOLUCIÓN DE LIBROS DO FONDO LIBROS
O alumnado de 3º e 4º de Educación Primaria debe devolver os libros de texto que son do fondo libros, en bo estado, do 10 ao 14 de xuño.
De non ser devoltos, non haberá dereito a solicitar axudas para o vindeiro curso.
ENTREGA DE LIBROS PARA O PRÓXIMO CURSO
A entrega dos libros para o alumnado de 3º e 4º de Ed. Primaria, para o curso 2024/2025, realizarase en setembro (informarase do procedemento na circular de fin de curso)
LISTAS ADMITIDOS/AS E ENTREGA DE CHEQUES/VALES
Unha vez rematado o prazo de presentación de solicitudes, comunicaranse as datas nas que se farán públicas as listas de admitidos/as, así como as datas nas que se entregarán os cheques de libros e vales de material escolar.
AXUDAS PARA ALUMNADOCON NECESIDADE ESPECÍFICA DE APOIO EDUCATIVO PARA O CURSO ACADÉMICO 2024-2025
Convócanse para o curso 2024-2025 as seguintes axudas individualizadas:
a) Axudas directas para os alumnos, incluíndo ao alumnado con TDAH (Trastorno por déficit de atención por hiperactividade), que requiran por un período da súa escolarización ou ao longo de toda ela, determinados apoios e atencións educativas específicas derivadas de discapacidade, de trastornos graves de conduta ou de trastornos graves da comunicación e da linguaxe asociados a necesidades educativas especiais. Tamén poderá ser beneficiario de axudas directas o alumnado con Trastorno do espectro autista (TEA) non incluído no parágrafo anterior e que requira estes apoios e atencións educativas específicas.
b) Subsidios por necesidades educativas especiais derivadas de discapacidade ou trastornos graves de conduta ou trastornos graves da comunicación e da linguaxe asociada a necesidades educativas especiais para familias numerosas. Tamén poderán ser beneficiarios destes subsidios os alumnos con TEA, pertencentes a familias numerosas, non incluídos no parágrafo anterior.
c) Axudas para programas específicos complementarios á educación regrada para alumnado con necesidade específica de apoio educativo asociado a altas capacidades intelectuais.
d) Subsidio de contía fixa para gastos adicionais de carácter xeral derivados da escolarización dos alumnos con necesidade específica de apoio educativo asociada a discapacidade, trastornos graves de conduta ou trastornos graves da comunicación e da linguaxe. Tamén poderá ser beneficiario deste subsidio o alumnado con TEA non incluído no parágrafo anterior e que requira estes apoios e atencións educativas específicas e o alumnado con necesidade específica de apoio educativo asociado a altas capacidades intelectuais.
BENEFICIARIOS
Poderán solicitar as axudas os alumnos que non superen unha determinada renda e/o patrimonio familiar e que presenten necesidade específica de apoio educativo derivada de discapacidade ou trastornos graves de conduta ou trastornos graves da comunicación e da linguaxe asociada a necesidades educativas especiais e que se atopen cursando en centro específico, en unidade de educación especial de centro ordinario ou en centro ordinario que escolarice alumnos que presentan necesidades educativas especiais, algún dos niveis educativos non universitarios. Así mesmo, poderán solicitar as axudas os alumnos con TEA e os alumnos con necesidade específica de apoio educativo asociado a altas capacidades.
SOLICITUDES
O prazo de presentación de solicitudes estenderase desde o 30 de abril de 2024 ata o día 13 de setembro de 2024, ambos inclusive.
Pódese acceder a toda a información e ao procedemento de como solicitar a axuda CLICANDO NO SEGUINTE ENLACE:
https://www.becaseducacion.gob.es/becas-y-ayudas/ayudas-apoyo-educativo/como-solicitarla.html
ADMISIÓN ALUMNADO CURSO 2024/25
POSTOS ESCOLARES OFERTADOS
para curso 2024/25 ( 29/02/2024)
Segundo a ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado,oO número de postos escolares por unidade reservados ao alumnado con necesidades específicas de apoio educativo no primeiro curso de cada etapa (4º de infantil, 1º de primaria e 1º de secundaria obrigatoria) será de 3.
NORMATIVA RELACIONADA
Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).
