2022-2023

 O 23 de febreiro conmemoramos o día de Rosalía de Castro e, seguindo a proposta da AELG (Asociación de Escritores e Escritoras en Lingua Galega), o noso alumnado de 3º e 4º  de primaria partiron de diferentes poemas de Rosalía de Castro para crear outros novos coas palabras principas de cada un deles.

No caso de 3º de primaria, traballaron a partir do poema "Adiós ríos, adiós fontes" e no caso de 4º de primaria, foi o poema "Campanas de Bastabales".

Ademáis os nenos e nenas de 6º de primaria crearon uns raps moi rimados.

Por último, con todo o material elaborouse a seguinte montaxe audiovisual e un gran mural, onde tamén participaron os nenos e nenas de 6º de infantil, dándolle cor ao rostro de Rosalía de Castro coa técnica de Andy Warhol.

A Tepoteca aportou varios dos seus libros para que todos os nenos e nenas puideran gozar coa súa obra.

Grazas por tanto, Rosalía!

Clicade na imaxe para ver o vídeo.

Na semana do Entroido, visitounos Ángeles Escribano para contar aos nenos e nenas de terceiro e cuarto de primaria algúns contos e historias.

Comezou cun conto cheo de palabras con corazón, que cando as dicimos facemos que os que estean ao noso redor, se sintan máis felices. 

Logo contounos a historia duns ratos cegos e con eles aprendemos unha máxima: "se so coñeces as cousas por partes dirás sempre parvadas; pero se podes ver o todo, falarás con sabedoría".

E para rematar un conto para ensinarnos a resolver os problemas e non deixar que se volvan tan grandes que nos anulen por completo.

E non faltou a poesía con algún poema de "Soleando" de An Alfaya.

Grazas, Angeles, por compartir con nós o teu tempo e as túas historias cos nenos e nenas de Rebordáns.

Clicade na imaxe para ver o vídeo. 

Premede na imaxe para escoitar a nova emisión de Reborradio.

Vaia sorpresa musical que tiñan preparada Tepo e Tepa na biblioteca!

Un concerto didáctico a cargo de Susa Herrera, acompañada das súas comadres Lara e Tere. 

Xunto con elas, ademáis de CANTAR e BAILAR, puidemos aprender datos interesantes sobre animais do noso planeta como o gorila, o crocodilo, o elefante, a xirafa... Porque ben sabedes que é moi importante coñecer, para así, poder comprender e respectar!

Continuamos cos obxectivos de desenvolvemento sostible, ODS 17: vida de ecosistemas terrestres.

Clicade na imaxe e mirade o ben que o pasamos!

Os nosos locutores e locutoras de 6º de primaria radiáronnos un programa interesantísimo onde, entre outros temas, falaron sobre o día da Paz, data que temos presente todos os días do ano.

Seguimos traballando os ODS, neste caso o ODS 16: sobre a Paz, xustiza e institucións sólidas.

Pinchade na imaxe para escoitar a nova emisión de Reborradio.