Benqueridas familias,

Grazas ao traballo voluntario da Anpa Herrerías e á subvención recibida pola Secretaría Xeral da Igualdade da Xunta de Galicia (DOG. Núm. 108, do 8 de xuño de 2023), a comunidade educativa do CEIP Cidade Vella será beneficiaria dos obradoiros de promoción da igualdade.

Estas son as actividades programadas:

• PARA O ALUMNADO (en horario lectivo).

13 de novembro. Educación Infantil. CONTACONTOS: “Príncipas e princesos”. Pablísimo contará a historia de valentes princesas enfrontándose a dragóns e de príncipes que lavan a roupa e pasan o ferro! Unha reflexión sobre a igualdade a través de contos atípicos.

Prezadas familias, 

Dende a Biblioteca queremos convidarvos a celebrar con nós o comezo da nova estación. Mais, para iso, precisamos a vosa colaboración! 

Dende o día 23 ao 31 do corrente mes, as portas da biblioteca e das nosas aulas abriranse para acoller historias, contos e relatos para rir ou tremer. Poden estar relacionadas co magosto, o outono ou o samaín. 

As persoas que queirades participar (pais e nais, irmáns maiores, avós e avoas…) podedes poñelo en coñecemento das/o titor/a do voso grupo (a través do Abalar) ou enviando un mail ao correo da biblioteca (biblioteca.ceip.cidade.vella@edu.xunta.gal), indicando a vosa dispoñibilidade horaria e o conto/historia/relato que queredes ler. E se non se vos ocorre ningún, podedes poñervos en contacto co equipo da biblioteca a través do correo electrónico anteriormente indicado para que vos asesoren ou vos presten algún libro da nosa biblioteca. 

O prazo para apuntarse a esta iniciativa remata o xoves día 19. A partir dese día, indicaranse ás persoas que participedes a data e a hora á que tedes que vir. 

Estamos desexando escoitar as vosas historias! 

Agardamos a vosa colaboración. 

Un saúdo.

O Equipo de Biblioteca.