Prezadas familias,
Dende a Biblioteca queremos convidarvos a celebrar con nós a Semana das Letras Galegas. Mais, para iso, precisamos a vosa colaboración!
Dende o día 23 ao 31 de maio, as portas da biblioteca e das nosas aulas abriranse para acoller historias, contos e relatos da temática que consideredes, coa particularidade de que sexan en galego, preferiblemente (sabemos que hai familias que non dominan o idioma polo que poden ler en castelán).
As persoas que queirades participar (pais e nais, irmáns maiores, avós e avoas…) podedes poñelo en coñecemento das/o titor/a do voso grupo (a través do Abalar) ou enviando un mail ao correo do centro (ceip.cidade.vella@edu.xunta.gal), indicando a vosa dispoñibilidade horaria e o conto/historia/relato que queredes ler. E se non se vos ocorre ningún, podedes poñervos en contacto co equipo da biblioteca a través do correo electrónico anteriormente indicado para que vos asesoren ou vos presten algún libro da nosa biblioteca.
