A pasada semana conmemoramos no centro O Día Internacional das persoas con Diversidade. Como o fixemos? Pois partimos dun fermoso conto " O cazo de Lorenzo" que nos fai reflexionar sobre a diversidade. Lorenzo sempre leva consigo un cazo o que lle dificulta o seu día a día e por iso termina por esconderse dos demais, mais un día se atopa con alguén que ve ese cazo como unha fortaleza e consegue que volva a crer nel mesmo. 

A partir do conto falamos sobre cantas veces nos sentimos así e tamén sobre cales eran os nosos cazos, é dicir, as nosas dificultades, ademais, valoramos tamén os nosos puntos fortes. Foi un momento de compartir e de sinceridade. Todo o falado, plasmámolo nunha ficha.

A maiores desta actividade vimos varios videos de artistas con algunhas dificultades motoras e que pase a iso eran quenes de facer verdadeiras obras de arte cos seus pés. Quedamos verdaderamente abraiados e abraiadas. Logo disto, nos puxemos pés a obra, para ver que seríamos capaces de facer nós no seu lugar. Foi unha experiencia marabillosa!

As nenas e nenos de 1º e de 2º logo de traballar ao longo de todo o trimestre sobre o corpo humano e os hábitos de vida saudable: hixiene, descanso, alimentación... non podíamos rematar sen poñer en práctica todo o aprendido. Como o fixemos? Pois elaborando unhas riquísimas brochetas de froita! 

O martes 22 de novembro de 2022 Laura, a mamá de Alicia, veu á nosa aula contarnos un conto.

Relatounos "Rapunzel con piollos", un conto descoñecido para todos nós e no que descubrimos que, por moito que Rapunzel estuvera protexida na súa torre de calquera perigo (de bruxas malvadas, de ogros, de lobos,,,), nunca esperaba ser atacada polas creaturas máis silenciosas: OS PIOLLOS!!!

Estes pequenos bechos multiplicábanse na súa longa melena, e non daban atopado o remedio para acabar con eles: nin a limpeza de Brancaneves e os seus ananiños, nin o raio conxelador da Raíña das Neves, nin o inxenio de Garbancito... Os piollos xa construíran unha cidade no seu cabelo e non pensaban marchar... Como conseguirán acabar con eles?

Sorprenderédesvos de quen logra acabar con eles... só o Frautista de Hamelin e quen de conseguir que abandonen a cabeza de Rapunzel!!! Estivemos todos moi atentos agardando o final do conto...

Grazas Laura por vir, agardamos que volvas outro día!!!

O pasado venres as nenas e nenos de 1º e de 2º de Educación Primaria tivemos unha saída ao Centro de Interpretación de Caldoval, en Mugardos. Este xacedemento é ata o de agora o único baño doméstico con palestra atopado no noroeste peninsular, alí puidemos observar uns restos romanos moi ben conservados e que no seu momento pertenceron seguramente a unha persoa da élite. 

Na visita, grazas a Ester descubrimos moitas cousas sobre a vida das e dos romanos: como funcionaban os baños, cal era o seu uso e as características de cada unha das estancias do circuito termal, as vestimentas que levaban os bañistas, que facían no seu tempo de ocio e os deportes que practicaban. O que máis nos chamou a atención foi que tamén xogaban a xogos de mesa ou como eles lle chamaban ludus calculorum, recibindo este nome polas pequenas pedriñas que utilizaban como fichas(calculos).

Logo convertémonos en artistas dos mosaicos e fixemos unhas creacións ben fermosas utilizando teselas de diferentes cores.

Foi unha visita moi emocionante e que nos axudou a comprender a historia e as pegadas do tempo.