Boas de novo!

Agardo que desfrutarades destas vacacións de Semana Santa, aínda que tiveramos que quedar na casa, e que comecedes esta nova etapa con ganas de seguir repasando os contidos traballados ao longo do curso e de compartir as vosas experiencias con nós.

Para comezar, déixovos esta proposta de Matemáticas. Trátase dun recurso centrado na resolución de problemas, polo tanto teredes que empregar a lóxica e o razoamento para ir solucinando cada actividade.

Para Lingua Castelá, propóñovos escribir unha redacción na que expliquedes que é o que máis vos apetece facer cando poidades saír da casa, a quen queredes ver, a onde vos gustaría ir... Lembrade que se tedes dúbidas de ortografía ou vocabulario, podedes consultar o dicionario en liña da Real Academia Española. Mandade as vosas redaccións nun documento de Open Office Writer ou Microsoft Word ao enderezo clasesextocentieiras@gmail.com e eu publicareinas no blog de clase para que todas e todos poidamos desfrutar léndoas.

En canto a Lingua Galega, gustariame que compartirades con nós algunha actividade, manualidade ou debuxo que fixerades durante estes días de confinamento. Explicade en que consistiu a actividade, como se vos ocorreu facela, con quen a fixestes, que materiais empregastes e por que vos gustou facela. Xa sabedes, se tedes dúbidas de ortografía ou vocabulario, podedes consultar o dicionario en liña da Real Academia Galega. Podedes engadir algunha foto da actividade ou manualidade e mandala xunto co voso texto escrito en galego nun documento de Open Office Writer ou Microsoft Word ao enderezo clasesextocentieiras@gmail.com. Sei que todas e todos sodes moi creativos, así que estou desexando ver que marabillas fixestes!

Tamén podedes seguir enviando os vosos vídeos coa exposición de Ciencias da Natureza e as vosas receitas, se aínda non o fixestes. Mirade no blog que cantidade de cousas ricas prepararon xa as reposteiras e reposteiros de sexto! Non sei cando imos saír da casa, pero o que sei é como… imos saír rodando!!!

Por último, déixovos ao final desta entrada a solución ás tarefas de Matemáticas da Aula Virtual Santillana propostas o 30 de marzo nun documento adxunto, aínda que, como sabedes, xa vos fun corrixindo individualmente todas as que me enviastes por correo electrónico.

Unha gran aperta e moito ánimo!

Isa

Bo día!

A continuación adxunto a proposta para hoxe.

Un saúdo.

HOLA, HOLA ,HOLA, NIÑOS

Aquí tenéis unas pequeñas cápsulas de diversión.

Hay que hacerlas de una en una, pero, si no quedáis contentos,  podéis hacer de dos en dos.

Este Arco Iris es para colorear TODO EL ALUMNADO y escribir en las nubes las frases que queráis

FELICES PASCUAS

Boas tardes!

Déixovos no documento adxunto as tarefas de Matemáticas da AVS propostas o luns 30 en pdf, só para aquelas ou aqueles que non podedes facelas na plataforma de Santillana e mas pedides neste formato. O alumnado que xa as fixo na aula virtual ou mas enviou por email, por favor, esquécevos disto. Estou recibindo e corrixindo tarefas por duplicado e, en ocasións, por triplicado. Se xa as fixestes dun xeito, non as tedes que repetir en todos os formatos existentes, que son soamente distintas opcións para que cada persoa poda escoller as que mellor se adapten ás súas circunstancias.

Un saúdo

Isa