Durante este curso académico, os alumnos e alumnas de 3º e 4º de Primaria, estiveron a traballar sobre a lenda que da nome a Aranga.
A lenda di que hai anos, dúas mulleres camiñaban pola noite por Ponte Aranga e escoitaron o son dunha campaíña. Sorprendidas, foron buscar ao cura e cavaron no lugar desde onde xurdía o son.
Alí atoparon unha cruz de ferro con adornos de cobre e prata, ademais dunha campaíña, que era a que producía o son. Recolleron a cruz e a campaíña e comprobaron que nese lugar manaba auga, que dende entón considérase milagreira.
Ademais dos beneficios para o campo, a auga da fonte ten propiedades curativas. É capaz de curar diferentes doenzas.
Unha vez coñecemos toda esta información extraída de varios libros da Biblioteca Escolar, o alumnado elaborou un libro ao completo contando dita lenda de xeito colaborativo e interdisciplinar.
Dentro da aula, os alumnado foi dividido en varios grupos; e cada un deles tiña un rol adxudicado (debuxantes, escritores, oficinistas, secretarios...).
Dita actividade dispuxo dunha gran carga interdisciplinar, nas que se combinaron materias como Lingua Galega, Ciencias Sociais e Educación Artística (Plástica).
Ademais, esta actividade supuxo unha aprendizaxe significativa no alumnado facilitando o coñecemento da contorna onde vivimos; dándonlle deste xeito importancia ao entorno rural do Concello de Aranga.
Grazas a axuda do Concello, puidouse editar o libro elaborado cos debuxos dos nenos e nenas, integrando os debuxos orixinais do alumnado e dixitalizando o texto.
Compartimos con todos vós este fermoso traballo.
