Educación Primaria

O colpbol, é un deporte que promove a cooperación e o traballo en equipo, xa que se xoga en grupos e require a participación de todos os membros para o desenvolvemento do xogo.

Aquí vemos aos alumnos de 3º e 4º de Primaria na pista exterior desfrutando dun fermoso día:

Esta disciplina fomenta a inclusión, pois permite a participación mixta e adapta as regras para diferentes niveis de habilidade, ademais de mellorar capacidades físicas como a velocidade, a resistencia e a coordinación, ao tempo que estimula a toma de decisións rápidas e a estratexia colectiva.

Hoxe celebramos por todo o alto a chegada do Nadal e das tan merecidas vacacións para todos e todas, xa que traballaron moito durante este primeiro trimestre.

Compartimos con todos vós as actuacións de Nadal destes pequenos e pequenas gran artistas e algunha imaxe da fermosa xuntanza que fixemos entre toda a Comunidade Educativa, desfrutando dun delicioso chocolate con larpeira.

Tedes o resto de imaxes na galería.

Este ano portámonos todos e todas xenial e tivemos no día de hoxe a máxica visita de Papá Noel, que puido recoller él mesmo todas as cartas que días atrás lle escribimos con moito agarimo.

Compartimos con todos vós algunhas das imaxes do día de hoxe. 

Canta ilusión e ledicia temos coa chegada do Nadal!

Na galería de imaxes podedes ver e descargar o resto de fotos que fixo con todos e todas. Quedaron moi fermosas!

Agradecemos a ANPA e ao Concello pola participación na actividade.

A lectura é unha ferramenta fundamental no desenvolvemento intelectual e emocional dos nenos de primaria. A través dela, os pequenos abren unha fiestra a mundos imaxinarios, enriquecen o seu vocabulario e melloran a súa comprensión lectora.

Ademais, ler fomenta a capacidade crítica e creativa, permitíndolles construír o seu propio criterio fronte a diversas situacións. Ao mergullarse nas páxinas dun libro, os nenos exercitan a súa concentración e aprenden a manter a atención durante períodos máis longos de tempo. Isto é especialmente relevante na era dixital, onde os estímulos breves e constantes poden afectar a súa capacidade para manterse enfocados en tarefas únicas.

Compartimos con todos vós, a actividade feita na aula de 3º e 4º de Primaria: O lectómetro. Cada neno/a ten un cohete personalizado, que comezan xa a despegar en función do que lea cada un.

Cada cuarto xoves do mes de novembro celébrase o día de Thanksgiving (Acción de Gracias) nos Estados Unidos.

Este ano temos a sorte de poder celebralo co noso auxiliar de conversa, Unai, orixinario de Los Ángeles.

Durante esta semana puidemos achegarnos un pouco máis a esta festividade grazas á súa experiencia, e os compañeiros de 3º e 4º, aproveitamos a súa colaboración na materia de Arts & Crafts para elaborar estes preciosos pavos.

Esperamos que vos gusten!