Skip to Content

Educación Primaria

Cups Song

Mér, 14/06/2023 - 11:06 — Pablo Sanchez

Os compañeiros e compañeiras de 5° e 6° de Educación Primaria descubriron a través da materia de música un novo ritmo, e o máis incrible é que se pode facer cun instrumento moi sinxelo: un vaso.

Como lles saía moi ben, pensaron que sería boa idea poñerlle letra a ese ritmo, e así crear a súa propia versión desta canción.

Desde a materia de lingua estranxeira practicaron a letra en inglés, para a que contaron coa axuda de Noah, o auxiliar de conversa.

A continuación, deixámosvos o resultado de voz e ritmo que conseguiron os nenos e nenas. Esperamos que vos guste este marabilloso videoclip! Un forte aplauso para os artistas!

Minería, electrónica e mecánica en 5º e 6º de EP

Mar, 23/05/2023 - 11:16 — Pablo Sanchez

Os días 15 e 22 de maio, o alumnado de 5º e 6º, ampliaron os seus coñecementos sobre minería, electrónica e mecánica, grazas as explicacións de Álvaro, un extraballador da central térmica de Meirama.

Gozaron comprobando a voltaxe dalgúns aparellos eléctricos, vendo que funcionalidade teñen os imáns, soldando con estaño e visualizando un video para saber como se extrae o carbón da mina e se transforma en electricidade.

Quedaron con ganas de máis!

Celebramos os Maios e o Día das Letras Galegas

Mar, 16/05/2023 - 13:27 — Pablo Sanchez

Hoxe demos a benvida a primavera celebrando os Maios e realzando a figura de Francisco Fernández del Riego, o homenaxeado este ano polo día das Letras Galegas. 

Foi unha xornada festiva de celebración onde todos xuntos gozamos!

A lingua galega é un tesouro, unha parte esencial do noso patrimonio, que debe ser valorizada e transmitida ás futuras xeracións. Ao fomentar o galego nos máis pequenos, estamos a preservar e enriquecer a nosa identidade cultural.

A través do seu ensino, axudamos a promover a nosa cultura e a fortalecer a nosa conexión coa nosa terra e coas nosas raíces. Ao fomentar o galego nas aulas, estamos a empoderar os nosos estudantes para que se sintan orgullosos da súa lingua e da súa cultura.

Estamos a brindarlles a oportunidade de expresarse plenamente nun idioma propio, de comunicarse de maneira auténtica coa nosa comunidade e de abrir portas a novas oportunidades persoais e profesionais.

Ademais, o galego é unha ferramenta esencial para a comprensión e o coñecemento da nosa literatura, historia e tradición oral. Con cada palabra en galego, estamos a honrar a nosa literatura e a manter viva a chama da nosa creatividade.

Premendo aquí podedes ver todas as imaxes do día de hoxe.

Aprendemos sobre a pesca da troita

Ven, 12/05/2023 - 12:46 — Pablo Sanchez

No día de hoxe visitounos David Arcay, 5 veces campeón do mundo de pesca. Grazas a axuda do Concello de Aranga, puidemos coñecer a pesca de río en profundidade. Ésta é unha experiencia educativa valiosa para o alumnado de educación primaria por varias razóns.

A pesca de río proporciona aos estudantes unha oportunidade inigualable de aprender sobre o medio ambiente e a ecoloxía dos ríos. Poden observar de preto a vida acuática e entender como diferentes especies interaccionan entre si e co seu entorno. Ademais, os estudantes poden aprender sobre a importancia de preservar os ecosistemas de auga doce e como a pesca responsable pode axudar a manter a saúde destes ecosistemas.

A pesca é unha actividade que implica unha serie de habilidades práticas que os estudantes poden aprender e desenvolver. Isto inclúe todo, dende o lanzamento do sedal ata a paciencia e a perseverancia necesarias para esperar que pique un peixe. Estas habilidades poden ser transferibles a outras áreas da vida dos estudantes.

No mundo dixital de hoxe, a pesca de río ofrece unha valiosa oportunidade para que os estudantes se desconecten dos seus dispositivos e pasen tempo na natureza. Esta conexión coa natureza pode axudar a fomentar un amor e respecto polo medio ambiente, o que é crucial nunha época de crecente concienciación sobre os problemas ambientais.

Festa da árbore, Santa Cruz de Aranga

Ven, 05/05/2023 - 23:28 — Pablo Sanchez

No día de hoxe puidemos gozar dunha fermosa xornada festiva na Ponte de Aranga, toda a Comunidade Educativa reunida para celebrar a Santa Cruz de Aranga. 

Prantamos árbores ao carón do río e fixemos a solta dunha ave da rapiña, despois gozamos de moito baile, festa, ledicia, xogos, música e bo xantar nun lugar cheo de beleza.

Que ben o pasamos! 

Compartimos con todos vos un par de vídeos e imaxes, pero deixamos na galería moitas máis instantáneas desta xornada festiva nun fermosa contorna.

Agradecemos a gran participación por parte dos pais/nais e ao Concello de Aranga por toda a xestión e colaboración durante a saída.

 

Aprendemos matemáticas cos cadernos interactivos!

Ven, 28/04/2023 - 14:22 — Pablo Sanchez

Ademais das sumas, as restas e o cálculo mental, as táboas de multiplicar constitúen unha das bases fundamentais das matemáticas.

Os cadernos interactivos son unha ferramenta moi útil xa que promoven a creatividade e a orixinalidade, coa finalidade de que as clases deixen de ser aburridas e se active a aprendizaxe visual.

Deste xeito, practicar as táboas de multiplicar cun compañeiro ou cunha compañeira, dálles a oportunidade de traballar o cálculo mental dun xeito máis relaxado, polo que memorizan as operacións mellor, perden o medo ás táboas e gañan confianza.

Aquí vos deixamos unhas imaxes de como estiveron a traballar os nenos e nenas de 2° de Primaria, que ben o pasaron!

Novos monitores interactivos!

Xov, 27/04/2023 - 11:04 — Pablo Sanchez

A Xunta de Galicia ben de dotarnos 4 paneis interactivos de 75 pulgadas para cada unha das aulas principais do centro (unha para EI, outra para 1º e 2º, outra para 3º e 4º e a última para 5º e 6º). 

Deste xeito mantemos todas as aulas principais cunha total conectividade. Ditos monitores interactivos permiten unha gran funcionalidade táctil, son moi versátiles e facilitan en gran medida a aprendizaxe. 

 

Aprendemos de xeito interactivo!

Xov, 13/04/2023 - 11:30 — Pablo Sanchez

As novas tecnoloxías son unha ferramenta que permite o ensino interactivo, xa que ofrece a posibilidade de interactuar co contido de forma visual e dinámica. 

No día de hoxe estivemos traballando os tempos verbais (presente, pasado e futuro) en Lengua Castellana nos cursos 3º e 4º.

 

Reciclamos e xogamos ao dominó

Xov, 30/03/2023 - 22:54 — Pablo Sanchez

Educar na reciclaxe en educación primaria é fundamental para inculcar nos nenos e nenas hábitos e valores responsables co medio ambiente. A reciclaxe é unha práctica esencial para o coidado do medio ambiente, xa que axuda a reducir a cantidade de residuos que se xeran e a diminuír a contaminación ambiental.

Os alumnos de 5º e 6º de Educación Primaria, estiveron a reciclar e fixeron un divertido dominó, fixádevos que partidas máis interesantes e saudables saíron.

 

Coidemos o medio ambiente!

Xov, 30/03/2023 - 22:49 — Pablo Sanchez

Traballar o medio ambiente en educación primaria é de vital importancia xa que, nesta etapa educativa, os nenos e nenas están nunha etapa de formación da súa personalidade e valores, e é o momento ideal para conciencialos acerca da importancia de coidar e preservar o medio ambiente.

Hoxe compartimos con vos unha imaxe dos alumnos/as de 5º e 6º de Educación Primaria na que podemos ver o gran de area que puxeron para contribuir coa natureza, realizando unha pequena plantación.

A través da educación ambiental, os nenos e nenas poden aprender a ser responsables co medio ambiente e a desenvolver actitudes positivas cara á natureza. Isto permitiralles comprender a importancia de preservar os recursos naturais, reducir o consumo de enerxía e diminuír a contaminación ambiental.

Distribuir contido


by Dr. Radut