O alumnado de 5º e de 6º de Educación Primaria, tivo o pracer de coñecer en persoa ao creador/deseñador da mascota da nosa Biblioteca, de Botalerias; chámase Antonio Castro.
Moitas grazas pola túa visita, pola túa colaboración e por mostrarnos parte da túa obra.
O mércores, 3 de abril, o alumnado de 3º e 4º de Educación Primaria do CEIP de Pontecarreira, acompañados do seu titor, Marcos Pinaque Varela, impartiu unha charla sobre a obsolescencia programada. Esta actividade tivo lugar na Biblioteca de Botalerias e asistiu, en diferentes sesións, o alumnado de 3º, 4º, 5º e 6º de Educación Primaria do noso centro.
Explicaron o que é, que produtos son vítimas da obsolescencia programada, as súas consecuencias e o que podemos facer nós para remediala. Tamén nos recomendaron unha serie de vídeos para poder ampliar os nosos coñecementos sobre o tema e déronnos un tríptico elaborado por eles/as mesmos/as con toda esa información.
Moitas grazas e felicitacións por iniciativas coma esta!!
O grupo de mestres/as que están recibindo formación en robótica, non para...
Desta volta foron á Aula Nova do CAFI, en Santiago de Compostela para continuar aprendendo. Agora tocoulles traballar na montaxe doutro tipo de robots, dos Escornabots, os cales estarán á disposición de todo o alumnado e profesorado en breve.
O alumnado de 5º e 6º nivel de Educación Primaria, asistiu a un contacontos a cargo de Pedro Mañas, na Biblioteca do cole, na Casa de Botalerias.
A actividade encantounos a todos e a todas!!
Moitas grazas pola túa visita!
ANIMAIS EN PERIGO DE EXTINCIÓN...
EDUCACIÓN INFANTIL
3 ANOS A (OSO PARDO)
3 ANOS B (OSO POLAR)
4 ANOS A (RÁ IBÉRICA)
4 ANOS B (O BURRO)
4 ANOS C (O SAPOCONCHO)
5 ANOS A (O TIGRE)
5 ANOS B (O LOBO)
EDUCACIÓN PRIMARIA
1º A, B e C (LIBÉLULAS)
2º A, B e C (BOLBORETAS Monarca e cazadores de Bolboretas)
3º A (Rinoceronte de Java - Manifestantes)
3º B (Atún vermello - Manifestantes)
3º C (Píntega - Manifestantes)
4º A, B e C (Morcego Grande de Ferradura)
5º A, B e C (Investigadores)
6º A, B e C (Lince Ibérico)
Todo o alumnado de Educación Primaria, baixo a batuta de Manuel, o mestre de Educación Musical, preparou e ensaiou unha coreografía, que presentaron de xeito conxunto o día 28 de febreiro...
O tema escollido foi "O Cempés", o cal estiveron traballando nas clases de Música este trimestre.
O audio non é moi bo, dadas as condicións acústicas do pavillón, pero pódese observar o gran traballo e esforzo que conlevou... poñer dacordo a 18 clases para actuar de forma conxunta!!!!
Premede no cempés para velo...
O sábado, 16 de febreiro, unha grupo de alumnos e alumnas do noso colexio, asistiu á II Xornada Intercomarcal de Báminton no Pavillón Polideportivo Municipal de Trazo, incluída no Programa XOGADE da Secretaría Xeral para o Deporte.
Con elo, pretendemos potenciar, favorecer e promocionar o achegamento do noso alumnado a diferentes modalidades deportivas. Nesta ocasión, unha representación do alumnado de 4º, 5º e 6º de Educación Primaria participou nunha xornada da Liga Intercomarcal de Bádminton.
Na xornada, ademais do noso centro, participaron as Escolas Deportivas dos concellos de Trazo, Boimorto, Melide e Toques.
Os axudantes e as axudantes de Botalerias, tiveron estes últimos días unha tarefa moi importante.
Foron @s encargad@s de ir polas aulas de Educación Primaria de todo o centro presentando as novidades que se adquiriron dende a Biblioteca esta última tempada.
Tiveron que prepararse, coñecer ben o que ían presentar e, coma sempre, fixérono de 10!!
Temos uns axudantes de Biblio excepcionais!!
MOITAS GRAZAS POLO VOSO TRABALLO RAPACES/AS!!
Unha parte do profesorado do CEIP ADR Castelao, interesado pola introdución da robótica no día a día das aulas, está levando a cabo este curso un Plan de Formación Permanente do Profesorado que terá unha duración de dous cursos e grazas ao cal, se poderán ir poñendo en práctica diferentes actividades de robótica co alumnado.
Despois dalgunha sesión máis teórica, desta volta comezamos a montar os robots mBot que nos facilitan dende o CAFI para o traballo diario co alumnado unha vez teñamos adquiridos os coñecementos necesarios.
Os alumnos e alumnas de terceiro de Educación Primaria puideron desfrutar dunha sesión de contacontos a través da cal se pretendía fomentar a lectura entre o alumnado!!
Esta labor estivo a cargo de SABELA, que o fixo dun xeito moi participativo e motivador para os cativos/as!!
Foi moi interactivo e todos e todas quedaron encantados!!
Agardamos que volva a facernos unha visita en canto poida!!
Que ben o pasamos!!
Xunta de Galicia - Consellería de Educación, 2013 | ||
