CEIP Plurilingüe Cardeal Quiroga Palacios

CAMBIOS DESTACABLES NO NOVO PROTOCOLO COVID

• Todas aquelas persoas que obteñan un resultado positivo nunha proba de antíxenos serán considerados directamente como un caso confirmado. Para poder realizar o seguimento e estudo do caso confirmado, deberá notificarse o positivo a Saúde Pública.

  A notificación varía dependendo de como se realizase a proba:

  Autodiagnóstico realizado CON supervisión dun farmacéutico: será o farmacéutico quen notifique o caso positivo a Saúde Pública.

  Autodiagnóstico realizado SEN supervisión dun farmacéutico: a persoa debe cubrir o formulario de DECLARACIÓN RESPONSABLE DE AUTOTEST POSITIVO dispoñible na páxina web do coronavirus ou chamar ao 881 540 045.

• Os conviventes dunha persoa considerada caso sospeitoso (alumno/a ou profesional), evitarán as interaccións sociais que sexan prescindibles ata que se confirme o resultado do caso.

  Ademais, os conviventes que non dispoñan dunha pauta de vacinación completa e tampouco foran diagnosticados da COVID-19 nos últimos 6 meses, deberán absterse de asistir ao centro educativo ata que se resolva a situación do caso sospeitoso.

  As persoas vacinadas coa pauta completa ou aquelas que fosen diagnosticadas da COVID nos últimos 6 meses poderán acudir tanto á escola como ao seu posto de traballo, extremando sempre as medidas de prevención. Por tanto, poderán acudir tanto á escola como ao seu posto de traballo, extremando sempre as medidas de prevención.

• A persoa diagnosticada da COVID-19 continuará co illamento domiciliario ata levar 3 días sen síntomas e sempre que pasasen 7 días desde que estes comezaron.

  Non será necesario realizar unha nova PDIA para suspender as medidas de illamento nin para reincorporarse á actividade laboral.

Prazo de presentación de solicitudes: Dende o 11 de xaneiro ata o 8 de febreiro.

Para presentar unha solicitude deberá seguir algunha das opcións descritas a continuación:

1. Cubrir a solicitude informaticamente e presentala asinada de xeito manual no centro:
   Para presentar a solicitude presencialmente no centro deberá entrara seleccionar a opción de menú “Solicitudes --> Reserva --> Crear”. Deseguido aparecerá unha pantalla con lapelas na que deberá cubrir os datos necesarios, tales como datos persoais e de contacto, os datos académicos e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e poderá descargala para asinar e presentar no centro. (Enlace https://www.edu.xunta.gal/admisionalumnado/PaxinaInicio.action).
   

    

2. Cubrir a solicitude informaticamente e asinala en Sede Electrónica: 
   Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para elo deberá premer na icona verde que se atopa arriba a dereita . Posteriormente deberá seleccionar a opción de menú “Solicitudes --> Reserva --> Crear”. Deseguido aparecerá unha pantalla con lapelas na que ten que indicar os datos necesarios, tales como datos persoais e de contacto, os datos académicos e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e posteriormente premendo no botón "Firmar e presentar en Sede Electrónica", poderá firmar a solicitude dixitalmente, quedando como presentada no centro, sempre que o proceso de firma remate correctamente.
   
   IMPORTANTE: Debe achegar, na Sede Electrónica da Xunta de Galicia o anexo I bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, ultima páxina da solicitude que pode visualiar e descargar nesta aplicación).
   
   Debe achegar escaneada toda a documentación pertinente á hora de presentar solicitude.
    

3. Cubrir a solicitude manualmente e presentala asinada presencialmente no centro: 
   Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro.

 INFORMACION NOVAS ACTIVIDADES EXTRAESCOLARES.

 Dende a Anpa ATHENEA, unha vez nos foi confirmada a dispoñibilidade de mais espazos, ofertamos novas actividades extraescolares:

•  SERVIZO DE LUDOTECA: DE LUNS A XOVES DE 16:30 A 18:30

Podedes seleccionar os días e horas nas que desexades participar. No momento de matricularvos debedes indicar este dato claramente no apartado de OBSERVACIÓNS. Neste servizo realizaranse cada día diferentes actividades (manualidades, xogos de mesa, ciencia divertida, obradoiros de reciclaxe, xogos grupais..)

• PREZOS DA LUDOTECA

•   XIMNASIA RÍTMICA (6º INFANTIL – 6º PRIMARIA): MARTES DE 17:30 A 18:25.  PREZO: 13,50 €
•   TEATRO (3º - 6º PRIMARIA): MARTES DE 16:30 – 17:30 – PREZO: 13,50 €
•  TEATRO (INFANTIL – 2º PRIMARIA): XOVES DE 16:30 – 17:30 – PREZO: 13,50 €

PRAZO DE INSCRICIÓN ATA O VENRES 5 DE NOVEMBRO. Está previsto que ditas actividades comecen o 15 de novembro pero confirmarase por correo electrónico ao enderezo que facilitedes.

Para inscribirvos debedes facelo de forma online a través do seguinte enlace: https://actex.argosgalaica.com/inscripciones/QUIROGA

CONSTITUCIÓN DA XUNTA ELECTORAL.

 De conformidade co establecido na Resolución do 20 de setembro de 2021 da Consellería de Cultura, Educación e Universidade (DOG, 29 de setembro de 2021), realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Colexio.

 A Organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

• O Director ou directora do Centro.

• Un profesor ou profesora.

• Un pai ou nai ou titor legal.

• Un representante do persoal de administración e servizos.

 Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste Centro o próximo día 27 mércores ás 11:45 horas.

 Aqueles membros da comunidade educativa que desexen presentar as súa candidatura para formar parte do novo consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.

Como descargar a aplicación AbalarMóbil

 AbalarMóbil é unha aplicación que se pode instalar tanto no teléfono móbil como nunha tablet, e que permite ás familias consultar a información de calquera dos seus fillos a través destes dispositivos.

 A descarga desta aplicación faise dende Apple store (se o sistema operativo é IOS) ou dende Play Store (se o sistema operativo é Android).

 * A aplicación AbalarMóbil vai asociado ao número de teléfono móbil que consta no expediente do alumn@. Polo que se o teléfono no esta actualizado a aplicación non funciona.

 * Mais información no arquivo adxunto.

 Que facer se a aplicación AbalarMóbil non funciona.

 Comprobar que os teléfonos no expediente do nen@ e correcto (En administración do centro)

Administración

Poñemos no seu coñecemento que dende hoxe ata o domingo, 12 de setembro ás 16h. as familias que non teñan solicitados os servizos de madrugadores e comedores para o mes de setembro na APP Colechef e que o necesiten, poderán contratar estes servizos para o mes de setembro.


É importante que teñades en conta que non é suficiente estar inscrito como solicitante de beca (en servizos sociais) ou solicitante de comedor (no Departamento de Educación)se non está dado de alta, rexistrado e contratado os servizos na APP ColeChef. Rematado este proceso na APP, recibirán como resultado unha mensaxe no correo electrónico facilitado na citada plataforma.

Toda a información sobre o proceso de matrícula nos servizos de madrugadores e de comedores está disponible na web municipal www.santiagodecompostela.gal <http://www.santiagodecompostela.gal/> pero tamén o achegamos en documento adxunto para facilitar a súa difusión.

- INFORMACIÓN XERAL PARA AS FAMILIAS INSCRITAS NOS SERVIZOS-

 
O Concello de Santiago de Compostela poñerá en marcha mañá, 9 de setembro de 2021 o servizo de comedores e madrugadores nos seguintes centros de ensino públicos: Apostólo Santiago, Quiroga Palacios, As Fontiñas, Roxos-Villestro, Vite, Mestre Rodríguez Xixirei (Lavacolla), Monte dos Postes, Raíña Fabiola, Ramón Cabanillas e no caso do CEIP Arquitecto Casas Novoa, só o servizo de madrugadores.

O servizo de comedores e madrugadores está organizado polo concello de Santiago de Compostela no marco do Convenio de colaboración coa Consellería de Educación para prestar un servizo ás familias con menores a cargo, que favoreza a conciliación da vida laboral, familiar e persoal, e a adquisición de valores e hábitos saudables desde a infancia.

O próximo Luns 6  ás 10:00 horas está prevista a reunión do período de adaptación para os nenos/as de 3 anos.

Deberán acceder ao centro pola porta do patio (estará indicada con carteis) e as titoras chamaran ao proxenitor/a polo nome do/a neno/a. Lémbrase que deberá acceder só un dos proxenitores sen a compaña do/a neno/a.