Esta semana de entroido, visitounos David Otero, escritor e mestre veciño de Codeseda, que coa súa naturalidade e frescura ofreceulle ao alumnado de 1º 2º 3º e 4º , un sinxelo pero ameno obradoiro de poesía.
Desde este ano, o día de Rosalía celébrase o 23 de febreiro por recentes achádegos da súa biografía que así o confirman. Para darlle a súa merecida homenaxe, aceptamos gustosamente a invitación que desde Radio Estrada e sobre todo Pilar Bernárdez no seu día nos fixo. Acudimos o propio día para participar xunto a outros centros da Estrada e levarlle a nosa versión da presenza de elementos da natureza silvestre na obra de Rosalía. Encargáronse tres rapazas da aula de 5º de primaria, Danna, Jamila e Fátima. Fixérono tan ben que convidámosvos a que desfrutedes co seguinte audio da súa intervención.
Acudimos á Festa das Palabras para acompañar aos gañadores e gañadoras desta novena edición do concurso de micropoemas e microrrelatos na que participan todos os centros educativos da Estrada.
Por fin puidemos asistir sen restricións a un acto moi bonito. PARABÉNS AOS PARTICIPANTES!!!
NO SEGUINTE ENLACE E A PARTIRES DO MINUTO 1:07:20 PODES ESCOITAR AO NOSO COMPAÑEIRO XABIER CAMBA DO IES ANTÓN LOSADA ONDE FALARÁ DO TRABALLO CONXUNTO DOS CENTROS EDUCATIVOS DA ESTRADA E DA III FESTA DAS PALABRAS QUE ORGANIZAN OS EDLG.
Como remate de trimestre, dentro do PLAMBE, e seguindo a proposta que este ano nos fai o equipo de biblioteca do centro, todas as aulas do centro participaron na elaboración deste fermoso calendario centrado nas nosas aves.
Aquí vos deixamos unha pequena mostra dos diferentes obradoiros que este ano fixemos. Cociña e manualidades para os de infantil, primeiro e segundo, mentras que os de 3º, 4º, 5º e 6º, desfrutaron dos obradoiros de maquillaxe e baile.
Como novidade, este ano decidimos celebrar o día do Sorriso. A razón pode parecer absurda pero para nós resultou moi gratificante. A nosa compañeira e mestra de infantil, Thalía Troitiño González, non só ven de aprobar as oposicións ao corpo de mestres neste verán pasado, senón que tamén se estreou na eloxiosa labor de crear un libro para público infantil. "O poder máxico do sorriso" é o título desa obra que presentou o mes pasado no seu concello, en Silleda, e neste día tivemos a boa idea de convidala a que compartise con nós a súa experiencia como xove creadora.
Nesta actividade, colaborou o alumnado da materia de Valores sociais e cívicos de sexto curso de primaria.
Moitas felicitacións a todas (Jamila, Fátima e Danna) e moi en especial á nosa ESCRITORA, Thalía.
O 18 de xaneiro levamos a cabo a actividade sobre as aves para o segundo trimestre. Contamos con Alouette machine.
Alouette Machine é unha imprenta itinerante que traballa coa Tipografía, recuperando esta técnica artesanal mediante obradoiros e mostras de como funciona. Traballamos «Os superpoderes das aves», coa
COMO PRODUTO FINAL DO NOSO PDI " AS NOSAS AVES", NESTE SEGUNDO TRIMESTRE, O ALUMNADO DE 3º/4º E 5º/6º, PROFUNDIZARON NO ESTUDO DAS NOSAS AVES E ELABORARON AS PREGUNTAS PARA O TRIVIAL. UNHA BOA FORMA DE APRENDER E DIVERTIRSE, Á VEZ.
O ALUMANDO DE 1º E 2º LEVOU A CABO UNHAS FANTÁSTICAS MANUALIDADES.
O día 10 de marzodeu comezo a actividade " As familias contan" que implica a participación das familias para a lectura de contos na aula de infantil. Esta iniciativa resultou ser un éxito e contou cunha gran acollida por parte de todos e todas.
Para celebrar o 8 de marzo, día da muller, este ano decidimos que tiñamos que darlle visibilidade a un traballo que sobre mulleres relevantes ao longo da historia fixeron oito grupos de alumnado de primaria. Como acto importante dese día, cada grupo presentoulle ao resto do alumnado a muller que ao seu grupo lle fora encomendada, e que asemade, servirá para darlle nome a cada unha das aulas do noso centro. Este ano xa comezamos por darlle nome á aula de música, agora chámase Aula Andrea Porto, integrante da Banda da Loba e que xa nos visitou no novembro pasado. A idea é darlle continuidade e poder poñerlle ás nosas aulas o nome de Xela Arias, Maruxa Mallo, Marcela e Elisa, María Pita, Ángeles Alvariño, Pepa a Loba ou Emma Ríos, xa que todas elas foron as protagonistas na nosa xornada de celebración do pasado 8 de marzo.
Neste curso desde o equipo de biblioteca do centro decidiuse por ofrecer unha proposta novidosa para conmemorar o mes do libro. Como se pode ver no cartel que se adxunta, aparecen catro actividades durante este mes.
O 17 de abril contamos coa visita de María Canosa quen nos contou algúns dos seus secretos á hora de escribir.
O 21 de abril o alumnado de 3º e 4º compartiron lecturas cos máis pequenos do cole.
Neste mes deron comezo os apadriñamentos lectores, polos cales cada neno ou nena de infantil ou 1º e 2º terán un padriño ou madriña que todas as semanas lles lerá un libro.
