blogue deBlanco Rodríguez Rosa
AVÓS VIRAIS, AVÓS VITAIS
Enviado por Blanco Rodrígue... o Ven, 30/07/2021 - 23:01Queremos deixar reflectido nesta entrada do noso Blog o labor apaixonado de sabios ensinantes que fixeron os avós e avoas do alumnado de 1º de primaria no traballo proposto para o último mes de curso. Cremos que a actividade de AVÓS VIRAIS, AVÓS VITAIS resulton bonita e interesante para netos e avós, os pequenos descubriron que os seus maiores xogaban e se divertían e os avós gozaron coa frescura e espontaneidade dos máis novos. Pero o mellor de todo será velos nos seguintes vídeos. Premede nas imaxes.
COÑECENDO BUEU
Enviado por Blanco Rodrígue... o Lun, 10/05/2021 - 20:20COÑECENDO BUEU
Estes primeiros días do mes de maio o alumnado de primeiro realizou un ROTEIRO pola beira do río Bispo acompañados do seu profesorado e temén do mestre Arturo, gran coñecedor e admirador de Bueu, ensinounos moitas cousas e tamén a observar a natureza como espazo de aprendizaxe e de lecer. Foi moi divertido ter unha clase así. Premede no imaxe para comprobalo.
GRAZAS PROFE ARTURO!
DÍA DE CHUVIA
Enviado por Blanco Rodrígue... o Ven, 16/04/2021 - 00:00DÍA DE CHUVIA
A semana do 12 ao 16 de abril tocoulle ao alumnado de 1º A recoller os datos da caseta meteorolóxica e rexistralos no lugar sinalado. Ademais gustábanos mirar cara o ceo cada mañá para coñecer as nubes e observar se estaban cargadas ou non de chuvia, tanto e así, que na clase un día lle dedicamos a identificar expresións e vocabulario relacionadas con este meteoro. Aquí pódese ver no traballo do alumnado.
A SEMENTEIRA DAS LEITUGAS
Enviado por Blanco Rodrígue... o Xov, 15/04/2021 - 23:29O martes día 13 de abril na escola todo o alumnado de 1º de primaria sementou leitugas coa axuda e explicacións de Ramón o conserxe. Agora toca regalas un pouquiño e esperar a que agromen para trasplantalas despois a macetas individuais e coidar cada un da súa. Contando que todas vaian para diante, alá polo mes de xuño poderanse probar as leitugas da horta da Pedra. Premede na imaxe para ver o vídeo da faena da sementeira.
POR CATRO ESQUINIÑAS DE NADA
Enviado por Blanco Rodrígue... o Xov, 15/04/2021 - 21:14Estes días estamos estreando a Radio Escolar "A VOZ DA PEDRA" e para iniciarse nesta faena un grupiño de nenos e nenas de 1ºA contaron de xeito dialogado o conto de Jèrôme Ruillier "Por catro esquiniñas de nada"
Aquí podédelo escoitar!
24 DE FEBREIRO DÍA DE ROSALÍA DE CASTRO
Enviado por Blanco Rodrígue... o Mér, 24/02/2021 - 22:17Hoxe na escola conmemoramos o día de Rosalía con diversas actividades: coñecemos algo da súa vida lendo a súa biografía, escoitamos poemas musicados, recitamos algún e creamos unha rosa de papel decorada na que escribimos a primeira estrofa do poema ADIÓS RÍOS, ADIÓS FONTES coa finalidade de regalala e, mesmo, recitarlle o poema a algunha persoa a modo de homenaxe. Aos nenos e nenas de primeiro gustoulles moito, foi unha actividade bonita que quedou reflectida neste vídeo. Premede na imaxe para velo.
30 XANEIRO DÍA ESCOLAR DA NON VIOLENCIA E DA PAZ
Enviado por Blanco Rodrígue... o Sáb, 30/01/2021 - 21:34DÍA DA PAZ NA ESCOLA
Este ano celebramos o día da PAZ na escola elaborando unha morea de mensaxes en prol da axenda internacional 2030 que temos moi presente este curso por ser o proxecto de traballo anual. Ademais cantamos a cantiga "UN VELEIRO VERDE" de María Fumaça dedicada ao coidado e a defensa verde do noso planeta, mesmo a signamos grazas á axuda da nosa intérprete de lingua de signos Rosa Louro. Se premedes na imaxe podédela escoitar.
Tamén fixemos uns barquiños de papel verde simbolizando o desexo de PAZ para o planeta Terra que todos os nenos e nenas levaron para a súa casa coa mensaxe escollida.
Podedes ler as mensaxes de paz escritas e decoradas polo alumnado de 1º.
HOMENAXE A QUINO CREADOR DE MAFALDA
Enviado por Blanco Rodrígue... o Xov, 01/10/2020 - 21:36Hoxe o alumnado de 1º de primaria lembrou a Quino realizando con cariño e moito interese uns debuxos de MAFALDA o gran e famoso personaxe creado por este xenio.
Aquí quedan os debuxos destes rapaces e rapazas que intentan imitar ao maestro Quino.
INFORMACIÓN PARA AS FAMILIAS DE 2º DE PRIMARIA
Enviado por Blanco Rodrígue... o Mér, 09/09/2020 - 16:43INFORMACIÓN PARA AS FAMILIAS DE 1º DE PRIMARIA
Enviado por Blanco Rodrígue... o Mar, 08/09/2020 - 15:51Estimadas familias:
Deixamos aquí a presentación coa información que estivemos dando na reunión, calquera modificación irémosvola dado e tamén engadindo calquera nova nesta entrada.
Premede na imaxe para ver a presentación. Grazas pola vosa atención!
Tamén deixamos nesta entrada os horarios e as normas de convivencia que afectan de xeito máis concreto as nosas aulas, comprobádeo nos arquivos adxuntos.
Un saúdo e ata mañá!
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »