O martes 2 de febreiro, Ana, unha monitora do Parque Nacional marítimo-terrestre das ILLAS ATLÁNTICAS, desprazouse ata o noso centro para achegarnos a eses arquipélagos e poder coñecelos mellor.

Comezou presentándonos os catro arquipiélagos do Parque Nacional e os fondos mariños que rodean as illas. Despois, falamos das plantas e dos animais que habitan o Parque e vimos uns vídeos que nos gustaron moito.

Pero o que máis nos chamou a atención foi a caixa coas pegadas que deixan as diferentes especies polo parque, e especialmente unha pel de serpe longuísima: era case tan longa coma Ana! E esa serpe deixouna atrás porque mudara e fíxose aínda máis grande.

Gustounos moito a actividade, e entendemos a importancia de coidar a nósa contorna e en especial ese Parque Nacional onde viven tantas especies de animais e plantas.

Moitas grazas pola visita e por achegarnos a ese paraíso.

Neste mes de xaneiro, o noso centro compartiu un proxecto de convivencia, inclusión, respeto, amizade, comprensión, soños, valores e amor : O BANCO DA AMIZADE.

Este banco especial atopouse nos diferentes patios para que se sentaran nel os rapaces e rapazas que tivesen algún problema, ou os que quixeran contar algo, ou simplemente necesitaran algo de compañía...

O resto dos rapaces estaban atentos para poder axudar e aportar a súa amizade e o seu cariño aos compañeiros que o necesitaban.

A actividade foi recibida con moito entusiasmo e eses recreos fixéronse moi curtos!

De volta á clase, realizamos unhas actividades por equipos.

Esta semana tocounos ir todos os días a recoller os datos meteorolóxicos á caseta! Encántanos esta actividade e este ano tivemos sorte porque non houbo temporal. É unha oportunidade para repasar todo o vocabulario do tempo en galego!

Xa estamos desexando que nos volva a tocar.

O xoves 16 de setembro, os cursos de 3ºA e 3ºB fomos convidados á sesión infantil do FIC BUEU. Estabamos entusiasmados coa idea de ver eses curtos e non nos decepcionaron! Ao chegar de volta ao cole, votamos polo noso curto favorito e gañaron Bruna e Earth.

Pasámolo de cine!

Estas son algunhas das actividades que realizaron os rapaces e rapazas de 2ºA neste terceiro trimestre.

Hoxe celebramos o día da Terra. Porque Terra so hai unha e temos que coidala entre todos!!

Algunhas das actividades realizadas no 2º trimestre

O venres 29 de xaneiro, para celebrar o día da paz, os rapaces e rapazas de 2º cantamos a canción "O VELEIRO VERDE" de María fumaça que trata sobre o tema da educación ambiental, e máis particularmente o coidado dos mares. Tamén realizamos un veleiro verde coa técnica do origami. Pasáronno moi ben! 

Premede na imaxe para ver o vídeo e comprobar o ben que o fixeron.

O alumnado de 2º B visitou, durante unha semana do mes de decembro, a caseta meteorolóxica para recoller os datos climatolóxicos de cada día. Foi una experiencia moi interesante!