Onte tivemos a gran oportunidade de contar con Xan Fernández Carrera, que se ofreceu a ser o noso guía polas rúas de Carballo para achegarnos ás orixes da nosa vila.
O barrio da Lagoa, o museo de Bergantiños (onde contamos coas explicacións de Maite) o cruceiro da igrexa, a praza de Galicia, a rúa Coruña, as escolas públicas da rúa Desiderio Varela, o xardín municipal e o mercado foron os lugares visitados.
Rematado este roteiro os rapaces e rapazas tiveron a oportunidade de realizarlle unha entrevista ao Sr. Alcalde Don Evencio Ferrrero e a concelleira de urbanismo dona Milagros Lantes. Para finalizar esta visita ao concello o persoal mostrounos algunhas das dependencias do mesmo.Rematamos esta saída no balneario dos Baños Vellos. A doctora e a encargada ensináronnos amablemente as instalacións e faláronnos das propiedades curativas das augas deste balneario.
Preme aquí para ver as fotos da visita. |
|||
