O proxecto de centro deste curso leva por título "Le o teu corpo" e xira arredor do deporte e da lectura. Como non podía ser doutro xeito, o alumnado de sexto de primaria elaborou a biografía dalgúns dos/as deportistas máis lexendarios empregando diferentes ferramentas dixitais. Botádelle unha ollada a estas presentacións. Tamén podedes descargalas nos arquivos adxuntos. Esta é unha presentación realizada por Carmen Veira sobre Serena Williams, figura femenina do tenis mundial.
A continuación, a lenda olímpica do atletismo, Usain Bolt, gañador de oito medallas de ouro nos Xogos Olímpicos de Pekín 2008. A presentación é de Joel.
Tamén temos un espazo para un dos mellores xogadores de fútbol de tódolos tempos, Pelé. Adrián elaborou un pequeno repaso pola súa vida chea de éxitos.
Se pinchades na imaxe, poderedes acceder a unha presentación sobre a vida e os logros de Marta Vieira da Silva, unha das mellores futbolistas de tódolos tempos. Unha presentación moi "top" feita por Paula Bolón.
 Para rematar, Victoria ofrécenos un repaso pola traxectoria de Larisa Latýnina, unha ximnasta ucraniana á que lle encantaba o ballet clásico e que impregnou de gracia e ritmo a ximnasia artística.
 Rodrigo preparou unha presentación da figura do automobilismo Michael Schumacher. Ollade para ela!
|
|||||||||||||||||
