Dende o CEE María Mariño, queremos aproveitar para desexarvos un Bo Nadal, no que disfrutar como se merece dos seres queridos.

Felices festas!

No día de hoxe, o alumnado visitou a Casa das Ciencias da Coruña, para asistir no seu planetario á sesión "O ceo de Cloe"; percorrendo unha viaxe a través das estrelas, as súas características, as Galaxias e a Vía Láctea.

- O que antes chamábamos TBO, foi pouco a pouco evolucionando en contido, calidade de debuxo e diálogos, temática, etc hasta o que hoxe en día chámase comic ou banda deseñada (BD). Ampliamos os nosos fondos de comics aproveitando tamén o tema do proxecto de centro de este curso, sobre A Coruña. A combinación de debuxo e literatura é unha boa forma de fomentar a afección pola lectura.

- Traballamos por desenvolver todas as facetas da personalidade do noso alumnado: impartironse  no espazo da biblioteca charlas sobre cyberbullying e sexualidade para os alumnos dos programas formativos de formación profesional básica e secundaria.

- O ano pasado o PFFPB de Cociña acadou o primeiro premio no I Concurso de Baristas, celebrado no pazo de Goiáns (Pontevedra). No curso 2021-22 o PFFPB de Xardinería e Viveirismo acadou a medalla de bronce no I Campionato FPSkillsbasica. Neste curso presentamonos de novo ás GaliciaSkills2023, pero non puido ser esta vez... De todas formas ahí queda o esforzo dedicado a preparar as probas, e a ilusión ca que xa estamos a preparar as seguintes. Parbéns ao noso equipo.

Hoxe tivemos a oportunidade de disfrutar dunha visita moi especial. En véspera do Día Internacional das Persoas con Discapacidade; pasou polo centro o xogador de tenis de mesa Alberto Seoane (internacional español); poñendo en práctica unha sesión na que nos contou a súa experiencia persoal, a preparación de cara aos Xogos Paralímpicos de París 2024, e o xeito de acadar os logros acumulados ao longo da traxectoria profesional. Posteriormente, ofreceuse a xogar uns partidiños co alumnado, permitindo vivenciar a práctica deste deporte dun xeito lúdico e especial.

- Na biblioteca temos unha colección de xogos, desde os máis tradiconáis, ata os máis modernos dende o punto de vista didáctico.

- Traballamos sobre o 25N, o Día Intenacional da Eliminación da Violencia Contra a Muller e, finalmente, o celebramos o venres 24 de novembro.

Continuamos este ano dentro do PLAn de Mellora de Bibliotecas Escolares (PLAMBE), tras ser admitidos no pasado curso 2023-24. O proxecto de centro (Proxecto Documental Integrado, o PDI) para este ano estará dedicado a nosa cidade, A Coruña: o titulamos Vivir na Coruña... qué bonito é!

- A celebración do Samaín ten todos os anos unha gran aceptación por parte do alumnado... Preparamos a carteleira dos máis pequenos a a do alumnado de Formación Profesional con libros sobre esta temática... lendas, contos de terror...

Carteleira de Primaria e Secundaria

Carteleira de FP

- Organizáronse tamén actividades relacionadas co Samaín... 

- Podemos ver como, nas nosas rúas e nos alrededores da Coruña, o picudo vermello (Rhyncophorus ferrugineus) está a secar as palmeiras canarias en fincas particulares, xardíns, pazos... Incluso poidemos ler recentemente no periódico, cómo é necesario tamén intervir nos xardíns de Méndez Núñez para frenar o ataque ás palmeiras que alí se atopan, incluídas no catálogo da Xunta de Especies Senlleiras.

- A pesar dos tratamentos fitosanitarios aplicados na palmeira canaria (Phoenix canariensis) do patio do IES Zalaeta, todo apunta a que non superou o ataque do picudo vermello... Na foto podemos ver as larvas de color amarelo, que son as que comeron o brote principal da palmeira, ocasinándolle a morte. De cor marrón aparece tamén o niño dentro do que a larva realiza a súa metemorfóse, para transformárse no escarabello vermello que podemos ver voando durante a  etapa de reproducción.