Ampla relación de actividades para a paz. As actividades forman parte dunha ficha na que se indica o tipo de xogo, o nivel educativo recomendado,as áreas que se traballan, os obxectivos, os materiais necesarios e o desenvolvemento da actividade.

Recursos para traballar a educación en valores dunha forma integrada na etapa de educación infantil:

• Autoestima.
• Cooperación.
• Responsabilidade.
• Tolerancia.
• Unha viaxe compartida.

Os cadernos para a igualdade van dirixidos a nenos e nenas de 6 a 9 anos. Conteñen sopas de letras, encrucillados, debuxos para pintar e colorear, xogos… O obxectivo é sensibilizar e educar na igualdade aos máis novos, explicando conceptos como a igualdade, o feminismo, o reparto igualitario de tarefas do fogar. Trátase de entreter os nenos e as nenas con divertidas propostas educativas.

Recursos didácticos para traballar desde a titoría. Consta de seis unidades didácticas que pretenden promover actitudes de respecto e aceptación a persoas e culturas diferentes. Os núcleos temáticos son:

Unidade didáctica 1: o recoñecemento da outra persoa.

Unidade didáctica 2: axuda par vencer as dificultades.

Unidade didáctica 3: acoller as persoas sen excluír a ninguén.

Unidade didáctica 4: confiar nas persoas e gañar a súa confianza.

Unidade didáctica 5: asumir as consecuencias das nosas decisións.

Unidade didáctica 6: vacacións sen fronteiras, vacacións sen barreiras. 

A web presenta unha serie de recursos que permiten traballar cunha metodoloxía que, ao darlle prioridade ao traballo sobre as emocións, constrúe un estilo eficaz de prevención da violencia. Usa como eixes básicos a expresión (teatro, xogo, deporte, arte…) e implica a toda a comunidade educativa.

Dinámicas de grupo para traballar na aula. O obxectivo é previr condutas e actitudes violentas no alumnado. Podemos encontrar dinámicas de: cualidades, amistade, motivación, compañeiro ou compañeira, formación de grupos…

Relación de xogos e dinámicas de aula para traballar co alumnado a resolución de conflitos e a convivencia pacífica. Os xogos e as dinámicas invitan a ter unha actitude activa e afrontar o conflito, ao tempo que traballan determinadas aptitudes e habilidades para a prevención, co que poderán analizar, negociar e buscar vías de transformación do conflito.

O autocoñecemento, a empatía, a comunicación asertiva, a mutua confianza, a autoestima, as habilidades sociais e a cooperación son algúns dos aspectos  tratados pola educación emocional, e están reflexados nas dinámicas de grupo que se traballan na páxina web. Hai unha gran variedade de dinámicas que facilitarán o traballo do titor ou titora, podéndose aplicar no ámbito da titoría.

Esta WebQuest pretende que o alumnado tome conciencia dos conflitos entre iguais, o chamado bullying. O traballo debería desenvolverse en coordinación co profesorado que imparta clase no mesmo grupo. O alumnado non debe adoptar ningún rol, deben tratar o tema como o que son, alumnos/as, é o seu punto de vista o que interesa.

Este proxecto está deseñado para traballar en grupo no segundo curso de educación secundaria obrigatoria. É moi importante animar e guiar o alumnado para que discuta e tome decisións conxuntamente porque esta pode que sexa a clave para completar con éxito a actividade. Cada grupo terá cinco roles diferentes: historiador, economista, defensor dos dereitos humanos, artista e periodista.