Título node Learning object

Contido didáctico interactivo creado para a campaña "Mulleres soñadoras" da Fundación "Taller de Solidaridad", ONG de ámbito estatal, independente e sen ánimo de lucro.

Este material didáctico componse de tres unidades didácticas independentes, unha para ciclo de Educación Primaria, para aplicar sobre lousa dixital. Preténdese transmitir ao alumnado de primaria valores de solidariedade, igualdade, cooperación, dereitos humanos, tolerancia e colaboración.

Cada unidade componse de catro actividades interactivas sinxelas, e diferéncianse entre si pola dificultade dos exercicios a realizar de menor a maior en función do ciclo ou unidade e, polo tanto, da idade do alumnado.

As actividades están formuladas a xeito de xogos que o alumnado irá realizando por orde para conseguir un diploma final que o acreditará como "Soñad@r Solidari@". O obxectivo é motivar ao alumnado (por separado ou en grupo) a realizar os exercicios e superarse a si mesmos para conseguir a acreditación.

Ademais, nas tres unidades o alumnado poderá consultar un mapamundi interactivo (común ás tres unidades) no que figuran algunhas accións que Taller de Solidariedade desenvolve no mundo, que teñen como protagonistas ás mulleres, destacadas por puntos "quentes" nos que se mostran fotografías e/ou vídeos daqueles proxectos, así como unha breve explicación destes.

O docente atopará en cada actividade os obxectivos pedagóxicos e indicacións para o desenvolvemento da mesma nun só botón.