Título node Learning object

A Olimpíada Española de Física (OEF) é unha competición para estudantes matriculados en 1º ou 2º curso de bacharelato ou en ciclos de grao medio ou superior de formación profesional. Ten como obxectivo fomentar as vocacións científicas e estimular a ensinanza da física e dos aspectos da ciencia e a tecnoloxía na formación integral da mocidade. A OEF selecciona ao alumnado gañador que representará a España nas competicións supranacionais. Os cinco primeiros clasificados na fase nacional formarán o equipo que participará na  International Physics Olympiad (IPhO), e os catro seguintes configurarán o equipo da Olimpíada Iberoamericana (OIbF).

O primeiro nivel da Olimpíada constitúeno as fases locais onde son seleccionados os cen estudantes que consursarán na fase nacional. Para o desenvolvemento da fase local en Galicia, as tres universidades galegas acordaron realizar unha proba idéntica con celebración no mesmo día e á mesma hora en cada universidade. Cada centro poderá seleccionar un máximo de 4 estudantes.

A información relacionada cos requisitos de participación, forma de inscrición, material permitido, lugar de celebración das probas e recoñecemento do profesorado preparador poderase consultar na circular informativa da convocatoria que se xunta. 

O prazo de envío da documentación debidamente cuberta e asinada será ata o luns 3 de marzo. 

Data de celebración das probas: día 7 de marzo ás 16.00 horas.