Título node Learning object

O Certame “As imaxes do patrimonio” destinado aos centros educativos da Eurorrexión Galicia-Norte de Portugal constitúe un exemplo de transmisión do patrimonio cultural inmaterial ás novas xeracións realizada a través da escola que serve de ponte entre as familias, comunidades portadoras, e o ensino formal. As imaxes dos álbums familiares conteñen moitas manifestacións, vivencias e outras expresións da cultura que poden ser descoñecidas polo alumnado e constitúen un valioso testemuño do patrimonio común galego-portugués. Neste labor de transmisión e vivencia das imaxes é necesaria tanto a implicación das familias para axudar a comprender o significado dos contextos, como o papel que xoga o profesorado como axente transmisor.

Neste certame, o alumnado non só debe procurar fotografías en branco e negro, senón que tamén debe preguntar polo contexto onde se desenvolveron e polas persoas que nelas participan e a partir de aí elaborar un texto ou un audio (podcast) propio onde explique a súa vivencia da imaxe.

Prazo de presentación das fotografías e dos podcasts: ata o 23 de xuño de 2025.

Cumprirá consultar a información relativa á inscrición, categorías en función do tipo de ensinanza, premios e outra información relevante nas bases que se xuntan e nesta ligazón.