Título node Learning object

RedeSTEAM constitúe unha iniciativa promovida por Redeia no marco da "Alianza STEAM polo talento feminino. Nenas en pé de ciencia", do Ministerio de Educación, Formación Profesional e Deportes, co obxecto de buscar a suma de esforzos para configurar un sistema educativo e formativo sen estereotipos de xénero, que impulse o apoderamento feminino nas disciplinas STEAM xa desde etapas temperás do sistema educativo e que contríbúa a eliminar a fenda de xénero no acceso a estas disciplinas, tal e como acontece no contexto internacional.

O concurso RedeSTEAM reta ás mozas de 3º e 4º da ESO a propoñer solucións tecnolóxicas e científicas que contribúan a un mundo máis sostible social e ambientalmente, co fin de suscitar o seu interese nos itinerarios e carreiras STEAM. Na anterior edición participaron 164 alumnas de centros educativos de toda España, e entre os proxectos gañadores destacaron a proposta dun sistema para mellorar a circulación e calidade do aire nas cidades, un dispositivo para medir o nivel de ruído nas aulas ou un sistema pechado de cultivo para acadar alimentos máis frescos, nutritivos e inocuos para o ambiente, entre outros.

A actividade desenvolverase por equipos de cinco integrantes por aula como máximo. O centro educativo deberá efectuar a inscrición no espazo web redesteam.es

De forma complementaria, Redeia pon ao dispor do profesorado e alumnado o xogo entreREDes, unha ferramenta que se pode usar para participar no concurso e para traballar materias como matemáticas, ciencia, historia e sociais, entre outras.

Data de presentación de solicitudes: ata o 19 de maio de 2025

Imformación ampliada: redesteam.es