Título node Learning object
O proxecto Refuxios continúa no IES Lagoa de Antela (Xinzo de Limia - Ourense) coa organización dunhas xornadas divulgativas para profesorado centradas nos pequenos humidais : “As charcas como Recurso Educativo”.
Estas xornadas son unha das actuacións programadas dentro do proxecto Refuxios promovido pola iniciativa europea ProBleu https://probleu.school/. Celebraranse no IES Lagoa de Antela durante o sábado 1 de xuño, e participarán diferentes centros de toda Galiza e a Sociedade de Ciencias Aranzadi (https://www.aranzadi.eus/)
As charcas ou pequenos humidais son espazos de alto valor ecolóxico xa que, ocupando moi pouco espazo, albergan unha grande variedade de formas de vida. Son indispensables como corredores ecolóxicos para numerosas especies, funcionan como almacén de auga loitando contra as secas e tamén mitigando as cheas, son sumidoiros de CO2 polo que axudan a loitar contra o cambio climático e ademáis son un espazo de goce e recreación para as persoas.
Durante o encontro as charcas serán o eixo central, centrando as xornadas no seu importante papel como recurso educativo.
Para comezar presentarase a iniciativa ProBleu ás persoas asistentes, á seguir o doutor en bioloxía Carlos Cabido da sociedade de ciencias de Aranzadi presentará a ponencia: O valor das lagas e pequenos humidais para a conservación e a educación ambiental. Máis tarde o biólogo Ion Garin, falará do da Rede de charcas en escolas que Aranzadi coordina en Euskadi e Navarra (https://www.aranzadi.eus/urmaelaeskolan). Haberá espazo para falar da ambientalización de patios da man do IES de Brión, e remataremos a xornada de mañá con visita e inspección á charca do IES de Antioquía (Xinzo de Limia).
Pola tarde haberá tempo para que os centros participantes presenten as charcas que posúen nos seus espazos educativos, e por último coordinarase unha publicación sobre este recurso. A xornada rematará cunha visita polas areeiras de Sandiás para observar a biodiverisdade asociada ás zonas húmidas.
Estas xornadas son gratuítas e para participar é indispensable a inscrición no seguinte formulario: https://goo.su/muOgz. Máis información en lpr.bioxeo@gmail.com
Probleu é un programa europeo coordinado polo CSIC https://www.csic.es/es e o Institut de Ciències del Mar https://icm.csic.es/es . Ten como obxectivo impulsar a alfabetización hídrica, un novo concepto que fai fincapé na importancia da educación ambiental ligada á auga como eixo transversal na educación formal. Para facelo, este programa da apoio a unha rede de Escolas Azuis da cal o IES Lagoa de Antela forma parte.
