Título node Learning object

Recentemente púxose en marcha a 59º edición dos Premios Exército 2023, estando unha das categorías enfocada ao ensino escolar. Nela poden participar todos os cursos e aulas dos centros escolares de educación primaria, secundaria obrigatoria, bacharelato e formación profesional de grao medio. Esta categoría consta de dúas fases, unha rexional que se fallaría na Coruña e outra nacional cos traballos gañadores rexionais.

Os Premios Exército constitúen na actualidade a iniciativa cultural máis ambiciosa do Exército de Terra. Naceron en 1945 e teñen por obxectivo propiciar a creación artística e literaria referida ás múltiples actividades do Exército de Terra no marco das Forzas Armadas, así como o coñecemento e divulgación da cultura de Defensa. Despois da celebración de 58 exitosas edicións nas diversas disciplinas convocadas, coa participación de escolares, pintores/as, fotógrafos/as, investigadores/as e miniaturistas, a temática deste ano 2023 estará relacionada con: "1492-1898. Catro séculos de presenza de España no continente americano e no Pacífico (Cuba e Filipinas)".

Prazo de presentación: ata o próximo 3 de marzo.

A información completa pódese consultar a través da seguinte ligazón:

Premios Exército - Exército de terra (defensa.gob.es).