Título node Learning object

A Real Sociedade Española de Física, as Universidades de A Coruña, Santiago de Compostela e Vigo e a Consellería de Cultura, Educación, Formación Profesional e Universidades organizan as Olimpíadas de Física na súa fase local.

Estas olimpíadas organízanse en varias fases: local, nacional, internacional e iberoamericana.

Poderán participar nesta primeira fase local galega, alumnado de 1º ou 2º de bacharelato ou de 1º ou 2º de ciclos formativos de grao superior de centros de ensino non universitario galegos.

Unha vez seleccionados polos centros o alumnado que vai participar nesta fase (máximo 4 estudantes), deberán remitir por correo electrónico á persoa coordinadora da Olimpíada de Física de cada Universidade, a ficha segundo o modelo adxunto, antes do 1 de marzo de 2023.

Data de celebración: 3 de marzo de 2023 ás 16:00 horas.

Lugares:

• Facultade de Física, Universidade de Santiago, SANTIAGO DE COMPOSTELA.
• Facultade de Ciencias, Universidade de A Coruña, A CORUÑA.
• Facultade de Ciencias (Ciencias do Mar), Universidade de Vigo, VIGO.
• Facultade de Ciencias, Universidade de Vigo, OURENSE.
• Facultad de Ciencias, Universidad de Santiago de Compostela, LUGO.

O alumnado poderá escoller calquera dos centros mencionados para examinarse destas probas.