Título node Learning object
O labor da Asociación Cultural e Pedagóxica Ponte... nas Ondas! en materia de boas prácticas vén de ser recoñecido no 17 Comité Intergubernamental para a Salvagarda do Patrimonio Cultural Inmaterial.
Esta asociación ten por finalidade a promoción de actividades culturais e pedagóxicas así como a promoción da identidade común de Galicia e o Norte de Portugal, dentro dunha perspectiva xeral de integración europea e do mundo lusófono.
Así, entre algunhas das súas iniciativas está o impulso do programa educativo Ponte... nas Ondas!
A recente inscrición deste programa no Rexistro de Boas Prácticas da UNESCO supón, en palabras do conselleiro Román Rodríguez, un triunfo e un exemplo para todo o mundo. Ademais, esta decisión implica un gran recoñecemento á actividade de alumnado e profesorado durante os 27 anos de traballo realizado no marco desta iniciativa.
Esta información pode ser ampliada premendo nesta ligazón.