G 1801006 Escenarios prácticos de seguridade, alta dispoñibilidade e cloud computing

A partir do vindeiro 1 de outubro iniciarase un curso na Rede programado para profesorado das familias de Informática e comunicacións e Electricidade e electrónica “Escenarios prácticos de seguridade, alta dispoñibilidade e cloud computing”.

Os obxectivos deste curso inclúen :

1.Capacitar para implementar escenarios complexos usando virtualización con Vagrant, contedores lxc/lxd, técnicas de cloud-computing e IT automation.

2.Capacitar para realizar a instalación e securización dun portal web/sitio de comercio electrónico así como a instalación dun sistema de videovixilancia.

3.Coñecer as tecnoloxías de cifraxe e saber aplicalas para aumentar a seguridade da información e coñecer e ter en conta a lexislación vixente á hora de instalar e xestionar sistemas.

A actividade estenderase durante 10 semanas, sendo a data de remate do curso o 9 de decembro. Durante ese tempo deberán completarse as tarefas que o titor propoña. Como axuda estará dispoñible a través do email e dos foros para contestar dúbidas e resolver problemas, e ademais haberá documentación de axuda colgada na mesma aula virtual. Para recibir a certificación correspondente, debe facerse correctamente o mínimo das tarefas que o titor estableza.
Como é un curso na Rede, cada participante pode conectarse á aula virtual no tempo e horario que considere oportuno.

Enlace Fprofe:

https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=86987