G1401012 Fundamentos de equipos de son, amplificación e adaptación das etapas de saída
Esta actividade formativa en rede, forma parte da oferta formativa do plan anual de formación do profesorado de FP para o segundo trimestre, destinada ao profesorado da familia profesional de Transporte e mantemento de vehículos. No caso de quedaren vacantes, logo de realizada a selección de participantes entre o profesorado da familia profesional de Transporte e mantemento de vehículos, terá acceso á actividade o profesorado da familia profesional de Electricidade e electrónica. Xurde da demanda do profesorado desta familia, de coñecer os fundamentos teóricos da acústica como medio para poder entender mellor o acondicionamento sonoro de vehículos, e os parámetros de instalación e axuste dos equipos de son.
No curso abordaranse os coñecementos teóricos básicos do son dende o punto de vista da acústica, os parámetros do equipamento de son para automóbil, a realización dos cálculos necesarios para poder levar a cabo a instalación, así como os métodos de mantemento a empregar.
O titor responsable do curso, profesor da especialidade equipos electrónicos no IES Universidade Laboral, ten unha dilatada experiencia na docencia desta materia.
Data de comezo: 2/2/2015
Data de finalización: 8/3/2015
Lugar de celebración: Platega2
Número de horas totais: 20
Ligazón a FPROFE: https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61021
Ligazón á Aula Virtual: https://www.edu.xunta.es/platega2/course/view.php?id=66