MHOT01
MHOT01 - Cociña e gastronomía
Que se aprende a facer?
Executar as actividades de preelaboración, preparación, conservación, terminación e presentación, e servizo de todo tipo de elaboracións culinarias no ámbito da produción en cociña, seguindo os protocolos de calidade establecidos e actuando segundo normas de hixiene, prevención de riscos laborais e protección ambiental.
En que ámbitos se traballa?
En empresas grandes, medianas e pequenas, nomeadamente do sector de hostalaría, aínda que tamén poden traballar por conta propia en pequenos establecementos do subsector de restauración. En sectores e subsectores produtivos e de prestación de servizo onde se desenvolvan procesos de preelaboración, elaboración e, de ser o caso, servizo de alimentos e bebidas, como é o sector de hostalaría e, no seu seo, as subáreas de hotelaría e restauración (tradicional, moderna e colectiva). Tamén en establecementos dedicados á preelaboración e á comercialización de alimentos crus, tendas especializadas en comidas preparadas, empresas dedicadas á almacenaxe, ao envasado e á distribución de produtos alimentarios e outros.
Que ocupacións se desempeñan?
Cociñeiro/a, xefe/a de partida, empregado/a de economato de unidades de produción e servizo de alimentos e bebidas.
Cales son os módulos?
| Curso | Código | Módulo profesional | Horas | Períodos semanais | |
|---|---|---|---|---|---|
| 1º | MP0049 | Formación e orientación laboral | 107 | 4 | |
| 1º | MP0046 | Preelaboración e conservación de alimentos | 240 | 9 | |
| 1º | MP0026 | Procesos básicos de pastelaría e repostaría | 240 | 9 | |
| 1º | MP0031 | Seguridade e hixiene na manipulación de alimentos | 53 | 2 | |
| 1º | MP0047 | Técnicas culinarias | 320 | 12 | |
| 2º | MP0050 | Empresa e iniciativa emprendedora | 53 | 3 | |
| 2º | MP0051 | Formación en centros de traballo | 410 | ||
| 2º | MP0045 | Ofertas gastronómicas | 87 | 5 | |
| 2º | MP0048 | Produtos culinarios | 350 | 20 | |
| 2º | MP0028 | Sobremesas en restauración | 140 | 8 |
Réxime de persoas adultas na modalidade presencial
Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade presencial. Curso 2023-2024.
Modalidade de formación profesional dual
Oferta educativa de formación profesional inicial en centros sostidos con fondos públicos na modalidade de formación profesional dual. Curso 2023-2024.
| Concello | Código | Centro educativo | Teléfono |
|---|---|---|---|
| Coruña, A | 15027897 | CIFP Paseo das Pontes | 881961030 |
| Pontedeume | 15025682 | CIFP Fraga do Eume | 881930455 |
| Santiago de Compostela | 15016000 | CIFP Compostela | 881866570 |
| Concello | Código | Centro educativo | Teléfono |
|---|---|---|---|
| Lugo | 27016455 | IES Sanxillao | 982828088 |
| Lugo | 27016455 | IES Sanxillao | 982828088 |
Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).
