Convocatorias

O pasado xoves 27 de maio tivo lugar o acto de entrega (Galería de imaxes) dunha nova edición (e xa van 14!) do Certame Verbas Comunicar, que convoca o Concello de Soutomaior con motivo do Día das Letras Galegas. Pese ao contexto marcado pola crise sanitaria, a participación acadou as 73 persoas nas diferentes categorías de redacción e audiovisual, individual e grupal. Fixeron entrega dos premios o alcalde Agustín Reguera e a Concelleira de Educación, Noelia Ocampo. A TV de Soutomaior cubriu o acto. 

Esta é a resolución do xurado en relación aos traballos premiados no IES de Soutomaior, que se poden ler e ver na páxina do Certame:

Texto - Categoría A (12-14 anos)

• 1º premio: A un só paso de ti, de Lucía Castrillo.
• 2º premio: A miña noite estrelada, de Zaira Pazos González.
• 3º premio: A nena cos pés nas nubes, de Ainoa Cabaleiro Lameiro.
  
• 4º premio: Debuxar, de Lola Fernández Crespo.
• 6º premio: Afrontando a miña dor, de Álvaro José Cunqueiro Blanco.
• 7º premio: Viaxar, de Morena Ríos Tonarelli.
• 8º premio: Galicia, a miña terra, de Anxo Muíños Seoane.

Texto - Categoría B (15-18 anos)

• 1º premio: Zoom dun paseo frustrado, de David Alján Lusquiños.
• 2º premio: Só para valentes, de Sonia Baqueiro.

Audiovisual - Categoría A  (12-14 anos). Grupal

• 1º premio: A festa das linguas esquecidas, de Iria Garrido, Antón Garrido, Pedro Roque Lourenzo e Brais Boullosa.

Audiovisual - Categoría B  (15-18 anos). Individual

• 1º premio: A miña historia, de Uxía Vidal Rubianes.
• 2º premio: casa atlántica, casa cabaret. Sobre os versos de María Lado, de Laura Fresneda Muíña.
• 3º premio: Manual sobre como cometer un crime, de Daniel Gallego Couñago.

Audiovisual - Categoría B (15-18 anos). Grupal

• 1º premio: Cidades, de Candela Paz Aguiar e Jimena Torres González.
• 4º premio: Nun álbum, de Uxía Vidal Rubianes, Frida Acuña Sabajanes, Sara Durán Sanmartín.
• 6º premio: Nouturnio do adolescente morto, de Rebeca Torres Rodríguez, Analía Preza Guadarrama e Marta Abal López.

Un ano máis, con motivo do Día das Letras Galegas, a Concellaría de Xuventude convoca o concurso “Verbas para... comunicar", que relaciona a comunicación, a mocidade e a lingua galega a través da presentación de traballos en formato texto ou audiovisual en lingua galega no que se transmita unha idea, unha reflexión, unsentimento, opinión, etc., que queiramos comunicar e compartir con outras persoas.

Resumo das bases (completas aquí ou en PDF)

- A temática será libre.
- Todos os traballos deberán expresarse en lingua galegae valorarase a corrección lingüística.
- Cada persoa ou grupo poderá presentar un único traballo que deberá ser inédito.
- A organización desbotará e non entrarán en concurso aqueles traballos que conteñan mensaxes discriminatorias, sexistas, violentas, groseiras ou ofensivas.
- Os traballos premiados exporanse na web e remate o concurso aparecerán co nome e apelidos dos/as autores/as os traballos premidados. Tamén se lles dará repercusión a través das redes sociais empregadas pola Concellería: facebook, instagram, etc.

Categorías

- Categoría A: 1º, 2º, 3º ESO.
- Categoría B: 4º ESO, 1º e 2º BACH.

Modalidades

1) Redacción : dun texto en lingua galega que transmita unha idea, sentimento, etc., Só presentación individual. O tamaño do texto non poderá ser superior ás 12 liñas. O soporte será o papel ou cartolina e o seu tamaño non poderá superar un folio A4, pero si poderá ser inferior a este. O formato de presentación do papel
ou cartolina será libre.
2) Audiovisual : elaboración dun vídeo (curta) ou audio (tema musical ou outros) cunha duración máxima de 5 minutos. Pode presentarse de xeito individual ou grupo/clase. Pode ser gravado con móbil ou cámara. Obrigatorio que teña mensaxe en galego escrita ou verbal.

Presentación

Ata o 11 de maio ás 20h. Os traballos presentaranse EN LIÑA a través desta páxina web.

Dende o Centro de Formación e Recursos de Pontevedra (Consellería de Educación) comunícannos que hai prazas libres para a videoconferencia que se desenvolverá hoxe baixo o título: "Nocións básicas para o manexo da aula virtual e os servizos de comunicación entre familias e escola".

Será impartida por Venancio Piñeiro e desenvolvorease entre as 19:00 e as 21:00.

Trataranse aspectos básicos sobre o emprego das aulas virtuais, entrega de tarefas, comunicación ca escola e abrirase unha quenda de preguntas para aclarar as dúbidas das familias.

Para asistir, hai que conectarse á hora de inicio na seguinte sala:

https://eduxunta.webex.com/meet/venancio

A Concellería de Xuventude de Soutomaior púxolle o ramo á campaña "Heroes e heroínas con máscara" co sorteo e a entrega de premios ás persoas participantes nun certame que tiña como finalidade reforzar a sensibilización entre a xente nova sobre o uso da máscara en todos os contextos e momentos das nosas vidas cando partillamos espazos con outras persoas e non podemos manter a distancia de seguridade. Non é o único é elemento preventivos fronte á pandemia COVID-19 pero é moi importante para evitar contaxios e que se siga propagando.

Podedes ver todos os vídeos presentados na páxina da campaña, na que podían participar persoas de 10 a 35 anos. Entre elas, atopamos alumnos e alumnas de diferentes cursos do noso centro e, ademais, a sorte quixo que os dous ordenadores portátiles fosen para Manuel del Río (1º BACH) e María del Mar Ruíz (2º BACH). Parabéns a ambos polo premio e a todos e a todas polas vosas achegas.

O dominio PuntoGal e VINTE convocan un concurso de creación audiovisual en Instagram. Co título “#VinteConOutrosOllos", consiste na creación dunha peza de vídeo inferior a 1 minuto na que cada participante nos mostre a realidade exterior cunha ollada distinta a como a vía antes. Haberá cinco premios: un agasallo tecnolóxico e 4 bonos de compra en librarías independentes. 5 creadores novos compoñen o xurado. O prazo para participar remata o 31 de maio.

Máis información neste artigo de Vinte.

• Bases.
• Formulario de participación.