Empatía, coraxe, prexuízos, medo e festa... De todo isto e máis falaron onte os rapaces e as rapazas de 2º ESO (e mais dúas fichaxes de 1º) na posta en común da novela gráfica Coraje, de Raina Telgemeier.
A partir de distintas escenas do cómic, desmostraron ser grandes actores e actrices nun xogo de dramatización que guiaron as profesoras Iria e Xiana. Non deixedes de coñecer máis polo miúdo a actividade entrando no blogue da biblioteca do instituto.