OLA A TOD@S,
Aquí estamos, unha semana máis!!! Supoño que xa estaredes máis animad@s, non si?? Polo menos, xa podemos saír a dar un paseíño por aí, ou facer algo de deporte... Veña, rapaces, que xa non queda nada para que todo isto acabe!!!
Vouvos explicar un pouco o que imos facer esta semana. Como non está moi claro se podemos ou non avanzar na materia, esta semana van tarefas de repaso para todos. Algo sinxeliño, uns cuestionarios online de repaso (que parece que vos están resultando máis doados de facer que mandarme as fichas nos correos). Para a semana colgarei algunha tarefa de ampliación de contidos, por se vos sobra algo de tempo e vos apetece facer algo a maiores do que xa demos este curso.
OLLO: OS CUESTIONARIOS PECHARANSE O SÁBADO ÁS 14:00
2º ESO: a actividade para esta semana consiste en repasar o Tema 3. A tarefa é moi sinxeliña (igual que a semana pasada): ledes o tema atentamente e a continuación contestades o cuestionario online que vos colgo neste enlace: cuestionario 3 de 2º da ESO. Xa non me tendes que enviar correo porque xa o recibo no meu drive, salvo que queirades contarme/preguntarme algo, claro está. Lembrade que sigo aquí para o que precisedes. UNHA APERTA A TOD@S!!!
3º ESO: a semana pasada repasamos o Tema 2 "O Renacemento" e entregáchedes unha ficha redactada por vós. Esta semana tendes que contestar ao cuestionario online que vos colgo a continuación: cuestionario 2 de 3º da ESO. Xa non me tedes que enviar correo porque xa o recibo directamente no meu drive, salvo que queirades preguntarme/contarme/falar conmigo, por suposto. Lembrade que sigo aquí para o que precisedes. UNHA APERTA A TOD@S!!!
4º ESO: esta semana temos que repasar algo de linguaxe musical. Nas instrucións recomendan que repasemos conceptos xa dados na primeira e na segunda avaliación, así que para non quedarme fóra do que recomenda a xunta, esta semana comezamos a repasar algo de linguaxe musical. Collede a libreta e botádelle un ollo ao primeiro que demos (alá polo mes de setembro e outubro).... repasade: pentagrama, claves, figuras musicais, calidades do son, compases simples e compostos, liñas divisorias e adicionais e as figuras que modifican a duración dos sons. Imos ir pouco a pouco e esta semana toca esa primeira parte. Unha vez leídos eses conceptos, contestades ao cuestionario online que vos colgo a continuación: Repaso de Linguaxe Musical 1 4º da ESO. Xa non é necesario que me escribades un correo porque xa recibo a resposta directamente, salvo que vos apeteza contarme ou preguntarme algo, que sabedes que para min é un pracer recibir noticias vosas. A próxima semana intentarei colgar algo sobre as mulleres que nos quedaban, pero xa será algo voluntario, como actividade de "ampliación de contidos" (dáme pena que nos queden sen dar) UNHA APERTA A TOD@S!!!
MOITO ÁNIMO E MOITA PACIENCIA, QUE O ESTADES A FACER MOI BEN, RAPACES!!!!
ATA A SEMANA QUE VÉN!!!
