Na mañá do luns 13 as exposicións e instalacións artísticas vinculadas ao Proxecto Falemos de ti e min tomaron os corredores e os espazos comúns do instituto para saír ao encontro da comunidade educativa e mostrar o resultado do traballo desenvolvido ao longo destes meses en diferentes cursos e materias.
Na páxina web de Falemos podedes achegarvos a estes proxectos cooperativos e transversais que, máis alá do carácter temporal do Programa da Semana das Letras Galegas, quedarán expostos de maneira permanente en versión dixital, impresa ou nas propias paredes do centro como fonte de coñecemento e futuras iniciativas e como mostra do bo facer investigador e artístico do alumnado e o profesorado participante. Moitos parabéns a todos/as eles/elas!
- Instrumentos tradicionais, paneis expositivos de 4º ESO (exposición e versión dixital).
- Mulleres galegas, paneis expositivos de 4º ESO A e B.
- Xogos populares, paneis expositivos de 4º ESO C.
- Herbario e Fitofaladoiro, exposición de 1º ESO.
- Interpretando a Maruxa Mallo, instalación artística do alumnado de EPeV de 4º ESO e Debuxo Artístico de 1º BAC.
- Oficios tradicionais, instalación artística de homenaxe ás redeiras do alumnado de Debuxo Artístico de 1º BAC.