A revista dixital do IES dá conta da celebración do Día de Rosalía de Castro no noso centro cunha fermosa montaxe fotográfica e audiovisual. Dende aquí queremos darlle os nosos parabéns pola iniciativa ao equipo coordinador do Proxecto Falemos, ao EDLG, á Comisión de Igualdade, á Biblioteca e á Dirección e recomendamos vivamente a lectura dos traballos do alumnado no blog mencionado e o desenvolvemento do Proxecto Falemos, un proxecto interdisciplinar que traballa a cultura galega dende unha perspectiva integradora.
Unha das actividades programadas polo Proxecto Falemos é conmemorar o Día de Rosalía de Castro, que se celebra cada 24 de febreiro. Posto que este ano cadra en domingo, celebrámolo o luns 25 de febreiro. Fixemos un Photocall e escribimos versos nos cristais das portas de entrada ao centro. Aproveitamos esta celebración para escoller e dar a coñecer, de entre os versos da autora, aqueles que reivindiquen a figura da muller e fagan denuncia das inxustizas. Os preparativos deste acto comezaron uns días antes coa axuda do alumnado da Comisión de Igualdade, a quen queremos agradecer o seu traballo e dedicación.
