Neste curso 2021-2022 puidemos recuperar a tan desexada viaxe de fin de etapa de 4º ESO. De acordo coas familias e con moita cautela por mor da alerta sanitaria, aló por novembro puxemos mans á obra, organizamos as actividades de financiamento e escollemos o destino. Por fin, despois de moitos meses de espera impaciente, o 5 de abril 50 alumnos/as, acompañados por Nieves, Fernando e Lucía Galván, saíron rumbo a Barcelona para compartir 5 días de experiencias en León, Burgos, Calafell, Tarragona, Logroño e a capital catalá. O programa combinou visitas de interese cultural (Museo da Evolución Humana, Sagrada Familia, Parque Güell, a visita ás cidades, ruínas romanas de Tarragona, etc.) e moitos lecer. Pero é mellor que o expliquen as alumnas coas súas propias palabras:
Lucía Castrillo
O primeiro de todo agradecervos a Román e ao profesorado que nos acompañou na viaxe a vosa implicación para facela posible. Gustoume moitísimo e gocei cada minuto para gardar por sempre todas as lembranzas que vivimos. Ademais gustoume que, á parte de momentos de diversión, tendas etc. tamén houbo un turismo cultural que nos permitiu disfrutar e coñecer moitas cidades e o seu patrimonio histórico.
Paula Vila
A viaxe pareceume inesquecible e impresionante, xa non só polas actividades que fixemos e todo o que visitamos, que foi precioso, senón polo compañeirismo que tivemos entre todos e o bo rollo que houbo, acabamos xuntándonos todos con todos e iso foi incríble, como a confianza que tiñamos entre todos e cos profes. A Fernando e a Nieves xa os coñeciamos de clase pero a Lucia non e encaixamos moi ben con ela dende o primeiro día, caeunos xenial e houbo moi bo rollo con ela e con Nieves e Fernando... E vacile e bromas entre todos pero sempre con respecto, e iso encantoume e pareceume esencial. Sen dubida repetiría a excursión con eles e todos os compañeiros. E darlle as grazas a Román por organizar todo e ter tanta paciencia con nós.
