Blogue de ies.soutomaior.anpa

EDUGAL Pontevedra 2024

Ven, 04/10/2024 - 11:00 — ies.soutomaior.anpa

EDUGAL Pontevedra 2024.

#formacionprofesional #educacion #formacion #xuventude #oportunidades #estudar

13º Salón da oferta de educación e formación de Galicia.

Días 9, 10 e 11 de outubro de 2024. Recinto Feiral de Pontevedra.

Punto de encontro de estudantes, profesores, orientadores, pais e nais, responsables de centros educativos e profesionais da educación.

A cita máis importante do ano en educación e formación. Toda a información sobre formación e orientación educativa en Galicia estará presente na feira.

Actividades paralelas, xornadas técnicas, obradoiros...

Ademáis dos expositores, haberá obradoiros, xornadas técnicas e actividades paralelas durante os tres días da feira.

Aquí vos deixamos os horarios, tamén os podedes descargar ao final desta entrada.

As claves de EDUGAL

1. Dar continuidade á orientación académica e facilitar unha adecuada elección para tomar unha decisión sobre o futuro profesional.

2. Un salón que axuda aos estudantes a decidir eficazmente o seu futuro formativo e profesional

3. A búsqueda dunh maior calidade na formación.

4. Unha ampla oferta de centros educativos e formativos, empresas e entidades que dan resposta ás necesidades de formación do estudante que necesita elexir o centro no que formarse para acceder ao mercado laboral.

Máis información:

https://www.edugal.es/

1 adxunto

Convocatoria de folga estudiantil para o 2 de outubro.

Mar, 01/10/2024 - 15:38 — ies.soutomaior.anpa

Como xa se indicou previamente neste inicio de curso xa hai convocadas algunhas folgas de estudantes; a segunda é para o día 2 de outubro e a reivindicación é por unha vivenda digna.

O procedemento é semellante o que se fixo pola do pasado venres 27 de setembro:

-Cando chega ao correo do centro a comunicación dunha convocatoria de folga simplemente se reenvía ese correo aos representantes de alumnado no Consello Escolar.

- O alumnado de 1º e 2º da ESO non ten recoñecido o dereito á folga.

- Ten recoñecido o dereito á folga o alumnado de 3º e 4º da ESO e 1º e 2º de Bacharelato.

Procedemento:

Adxunta a esta entrada tedes o documento que se ha de presentar como xustificante, pódese descargar e cubrir para entregar ao titor/a ou deixalo na secretaría do centro

O alumnado que queira acollerse ao seu dereito á folga ten que comunicalo para:

- Confirmar que a súa familia é coñecedora (a maioría son menores de idade).

- Poder xustificar as faltas dese día.

O que se pretende é que o alumnado exerza este dereito responsablemente e de xeito ordenado.

Aquí tedes máis información da convocatoria:

- https://pontevedraviva.com/xeral/107393/huelga-estudiantil-pontevedra-vivienda-digna-accesible-segura-para-todas/?lang=es

- https://www.lavozdegalicia.es/noticia/santiago/2024/09/04/erguer-convoca-2-octubre-huelga-estudiantil-precios-vivienda/00031725469108295328501.htm

- https://erguer.gal/gl/

Un saúdo,

A Xunta directiva.

1 adxunto

Comunicado do centro para a folga de estudiantes do 27 de setembro.

Mér, 25/09/2024 - 10:57 — ies.soutomaior.anpa

Como no inicio deste curso xa hai convocadas algunhas folgas de estudantes queremos comentarvos o seguinte:

-Cando nos chega ao correo do centro a comunicación dunha convocatoria de folga simplemente reenviamos ese correo aos representantes de alumnado no Consello Escolar.

- O alumnado de 1º e 2º da ESO non ten recoñecido o dereito á folga.

- Ten recoñecido o dereito á folga o alumnado de 3º e 4º da ESO e 1º e 2º de Bacharelato.

Procedemento:

Adxunta a esta entrada tedes o documento que se ha de presentar como xustificante, pódese descargar e cubrir para entregar ao titor/a ou deixalo na secretaría do centro

O alumnado que queira acollerse ao seu dereito á folga ten que comunicalo para:

- Confirmar que a súa familia é coñecedora (a maioría son menores de idade).

- Poder xustificar as faltas dese día.

O que se pretende é que o alumnado exerza este dereito responsablemente e de xeito ordenado.

Aquí tedes máis información da convocatoria:

- https://www.pontevedraviva.com/xeral/107189/cgt-pontevedra-palestina-folga-xeral-manifestacion/

- https://www.europapress.es/galicia/noticia-colectivos-pro-palestina-impulsan-concentracion-27-septiembre-praza-do-obradoiro-contra-apartheid-20240918141046.html

- https://www.sindicatodeestudiantes.net

Un saúdo,

A Xunta directiva.

1 adxunto

Resumo das actividades realizadas no curso 23/24 da ANPA

Mér, 25/09/2024 - 10:22 — ies.soutomaior.anpa

Estamos de volta!

Mar, 17/09/2024 - 18:01 — ies.soutomaior.anpa

Arrincamos un ao máis.

Ola familias!,

Benvidos un ano máis ao novo curso escolar no IES Soutomaior. A xunta directiva que formamos actualmente a ANPA, comezamos con ilusión o novo curso, asumindo as tarefas que conlevan o funcionamento desta asociación e traballando polo ben dos nenos e nenas do noso colexio.

Cremos firmemente que os pais debemos ser conscientes de que as familias somos un membro máis da comunidade educativa, xunto cos propios alumnos e os profesores.

Queremos todas as familias acheguen a súa opinión e ideas, para así mellorar a educación dos nosos fillos, que é o que realmente nos interesa.

Entre as nosas tarefas están:

Representar ás familias en Consello escolar e comunicar os seus acordos.
Mediar cos problemas que xurdan e axudar a resolvelos.
Buscar recursos para realizar actividades interesantes para os alumnos.
Garantir a participación e reivindicación das familias no centro.
Poñer en marcha actividades colectivas en beneficio da comunidade educativa.

Animámosvos a participar e colaborar co AMPA un ano máis en beneficio dos nenos.

Podedes contactar connosco a través do:

Correo electrónico: ies.soutomaior.anpa@gmail.com ,
Facebook e Instagram: ANPA Facendo Camiño (Anpa ies Soutomaior).
Web do Centro: https://www.edu.xunta.gal/centros/iessoutomaior/

E tamén podedes facervos socios, aquí deixamovos o enlace a o proceso de inscripción: Formulario Inscripción Socios.

Un saúdo e ata pronto.

Arrancamos!!!!

Ven, 06/09/2024 - 12:32 — ies.soutomaior.anpa

Reel Concurso de IES Soutomaior ANPA

Ampliación prazo concurso do logo.

Mar, 04/06/2024 - 11:48 — ies.soutomaior.anpa

Ampliamos prazo para o concurso!!!

Bos días familias,

Ampliamos prazo para o concurso!!!

Queda adiado para o día 21 de xuño do 2024.

Esperamos a vosa participación!!!

Concurso Presentación tamMovil de IES Soutomaior ANPA

A Xunta directiva.

Charlas para centros e familias de ENAPAS.

Ven, 26/04/2024 - 21:46 — ies.soutomaior.anpa

CHARLAS PARA CENTROS E FAMILIAS DE ENAPAS.

O CFR (centro de formación e recursos) en colaboración coas ENAPAS (escolas de nais e pais) organizan unha serie de charlas que vos poden interesar.

Levaranse a cabo en tres localizacións distintas para así facilitar a asistencia as mesmas: Museo Municipal de Marín, no IES de Sanxenxo en Sanxenxo e na Biblioteca Municipal de Lalín.

As temáticas son as seguintes:

Familias: sobreprotexer e desprotexer, da man da periodista e divulgadora Eva Millet.
O método para conseguir os teus obxectivos, con Jose Luis Abajo (Pirri), medallista olímpico de esgrima.

A documentación a podedes atopar nos carteis adxuntos, pero calquera dúbida consultado con nos ou co CFR directamente.

Agardamos que sexa do voso interese e podades asistir!

A Xunta directiva.