«O da lá miúda», un proxecto do IES Plurilingüe San Rosendo de Mondoñedo de seguimento do lobo seleccionado para participar na feira científica Galiciencia, que se celebrará no Parque Tecnolóxico de Galicia, en Ourense, do 8 ao 10 de maio.

«Participan nel uns 15 alumnos de varios cursos, desde terceiro da ESO a segundo de Bacharelato», indica o profesor de Bioloxía Óscar Chao Penabad, que coordina a iniciativa.

Para localizar os animais utilizan distintos métodos: desde rastrexo de feces, rascaduras, pegadas ou pelos en sendeiros e camiños, a restos de depredacións. Todos os achádegos se xeolocalizan nun mapa. Ademais, con autorización da Consellería de Medio Ambiente, o grupo ten instaladas oito cámaras con sensor de movemento en Mondoñedo, Alfoz e Abadín. Por agora xa localizaron varias manadas, aínda que dar co lobo non é sinxelo.

• https://www.lavozdegalicia.es/noticia/amarina/mondonedo/2019/04/23/span-langglalumnos-do-ies-san-rosendo-mondonedo-tratan-localizar-os-lobos-da-serra-do-xistralspan/00031556028408607471676.htm#

https://i.avoz.es/sc/robKNkKZD5ld65WkwERjy-a54No=/600x/2019/04/23/001215... 600w, https://i.avoz.es/sc/ZdxGsHESJDL14AWnImnIo96Aowo=/900x/2019/04/23/001215... 900w" width="414" height="211">

AMPLIADO O PRAZO DO CONCURSO ATA O 22 DE MARZO

BASES DO CONCURSO

Os alumnos e alumnas de 3º da ESO do IES San Rosendo participaron na actividade CATUXA “Achegándonos á violencia de xénero para desmontala”.

A finalidade desta actividade foi visibilizar a violencia de xénero para poder traballala desde o ámbito preventivo e así reducir o limiar de tolerancia cara ás violencias machistas a través de análises sobre o concepto da violencia de xénero, as causas e consecuencias.

A través do visionado de varios vídeos e diversas dinámicas nas que participaron de forma moi activa, a rapazada entendeu que é a violencia de xénero, como forma de exercer o poder e o control baixo o sistema patriarcal dun patrón cultural e social baseado na desigualdade. Tamén comprendeu onde está a súa orixe e como identificar os factores de aparición e perpetuadores de violencia, así como as súas consecuencias.

Conscientes de que a adolescencia é a etapa da vida na que os mozos e mozas aprenden as pautas de interacción que logo consolidan na vida adulta, resulta fundamental este tipo de actividades para identificar e frear os primeiros indicios de comportamentos abusivos nas relacións interpersoais, evitando que poidan derivar en condutas violentas de maior gravidade en posteriores relacións afectivas.

Está dispoñible o teléfono de atención da Unidade de Xénero para Adolescencia do Programa CATUXA: 604067520

http://amariñaxa.com/2019/04/13/as-actividades-do-programa-catuxa-chegaron-a-mondonedo/

Este xoves 28 de marzo máis de 170 estudantes de ESO, Bacharelato e FP participaron no II Torneo de Robótica que organiza Escola Universitaria Politécnica (EUP) da Universidade da Coruña. Nesta segunda edición, participou alumnado do IES Cabo Ortegal, de Cariño; dos IES Eduardo Blanco Amor e Rego da Trabe, de Culleredo; dos IES Ferrol Vello, Sofía Casanova e Catabois, de Ferrol;  do IES San Rosendo, de Mondoñedo; do IES Ortigueira, de Ortigueira; do CPI de Atios, de Valdoviño; e mais do CIFP Ferrolterra.

Divididos en 39 equipos, os estudantes tiveron que superar tres retos: un sigue liñas con obstáculos, a proba do “Barrendeiro” e unha competición de sumo. No sigue liñas, o robot tivo que seguir unha traxectoria impresa e salvar aqueles obstáculos que se interpoñían no seu camiño. Na proba do “Barrendeiro”, empregaron algoritmos similares aos que utilizan as aspiradoras ou as máquinas de cortar o céspede para barrer todos os obxectos do taboleiro. Por último, na competición de sumo, os equipos mediron as súas forzas nun cara a cara no que debían expulsar ao robot contrario do taboleiro de xogo. Os equipos do IES San Rosendo quedaron segundos na proba do “Barrendeiro”e primeiros na competición de sumo.

https://www.udc.es/gl/novas/Mais-de-170-estudantes-participaran-este-xoves-28-de-marzo-no-II-Torneo-de-Robotica-que-organiza-a-Escola-Universitaria-Politecnica/

https://codigocero.com/Centros-de-Betanzos-Mondonedo-e-Ferrol-conseguen-os-premios-do-II-Torneo-de

https://www.udc.es/gl/novas/Centros-de-Betanzos-Mondonedo-e-Ferrol-conseguen-os-premios-do-II-Torneo-de-Robotica-da-Escola-Universitaria-Politecnica/

Os estudantes de 4º de ESO están a gozar duns días en Londres. Visitarán e coñecerán os lugares máis emblemáticos da capital e aproveitarán para practicar o aprendido na clase e para vivir o espíritu da capital de Inglaterra.

http://www.cronica3.com/2019/03/ies-san-rosendo-de-mondonedo-en-londres/

O Proxecto Rebinxe dos alumnos de 1º e 2º de BAC do IES San Rosendo gañou o 1º premio da súa categoría no certame nacional de investigación escolar EXPORECERCA Xove , a maior feira cintífica para mozos de España,  e o premio Ciencia en Acción.

O IES San Rosendo de Mondoñedo alzouse este sábado co primeiro premio do certame de investigación escolar Exporecerca’19 Jove, que se celebrou o pasado fin de semana en Hospitalet de Llobregat, Barcelona, grazas ao proxecto denominado Rebinxe (Recuperación da Biodiversidade na Xeografía Rural). O equipo de oito estudantes viaxara á Exporecerca como premio por gañar a Galiciencia 2018 con ese proxecto.

Competían na maior feira científica de España con máis dun centenar de proxectos de toda España, e outros países como Arxentina, Brasil, Bélxica ou Turquía. Grazas ao primeiro premio conseguido, o ano que vén estarán en Abu Dabi, nos Emiratos Árabes, competindo nunha feira internacional de mozos investigadores. Ademais, o proxecto conseguiu outro premio especial, Ciencia en Acción, que consiste na participación noutra feira en Alacante.

Rosalía, un ano máis e sempre abrindo como unha rosa, agasallando a súa palabra viva, fértil, actual. Este ano buscámonos nela nos, as mulleres, o universo que somos, e demos coa súa comprensión, coa súa complicidade, coa súa rebeldía. Así quixemos celebrar no IES San Rosendo a Rosalía, como mellor sabemos, lendo a súa obra, sentindo a súa poesía

http://www.cronica3.com/2019/02/o-ies-san-rosendo-celebra-a-rosalia/

Convocadas axudas para a realización de actividades de formación en linguas estranxeiras para o ano 2019

Información: https://www.edu.xunta.es/axudasle/