Skip to Content

Lingua Galega

Visitas de autoras e autores no mes de abril

Mar, 2024-04-30 15:44

A nosa biblioteca, da cal a coordinadora é a docente do noso departamento Raquel Castro, leva en todo o curso ofertándonos a visita de numerosas voces fundamentais do panorama cultural galego de hoxe. O mes de abril amosouse como singularmente prolífico.

O estudantado de cuarto da ESO puido asistir á charla de David Álvarez, tradutor, sobre a tradución literaria.

O técnico de Normalización Lingüística da USC, Núñez Singala, estivo co estudantado de 1iero de Bacharelato para achegarlles nocións e a situación sociolingüística do noso idioma.

Marga Do Val veu ata o noso centro para achegarlle ó estudantado de 1eiro de Bacharelato a figura de Luísa Villalta, homenaxeada este ano no Día das Letras Galegas.

Despois da charla, o estudantado da nosa radio escolar entrevistouna en directo con emisión para toda a comunidade educativa.

Finalmente, o día 23, Día do Libro, o estudantado de terceiro da ESO, puido asistir á charla de María Reimóndez sobre a súa recente novela Furia. Foi unha experiencia intensa que case leva o noso estudantado ó KO.

Saída didáctica a Pontevedra

Mar, 2024-04-30 15:41

O martes 16 de abril o estudantado de 1eiro da ESO visitou o Parque Arqueolóxico de Campo Lameiro e o Museo Provincial de Pontevedra. Esta foi unha visita organizada polo noso departamento e o de Xeografía e Historia. As e os estudantes tiveron a oportunidade de achegarse dunha forma diferente ó noso patrimonio, á nosa historia e a figuras fundamentais do noso pasado recente como é Castelao. Foi unha visita didáctica que nos deixou un pouco de tempo para visitar Pontevedra, unha cidade icónica no noso país por numerosas razóns.

Saída didáctica a Padrón

Mar, 2024-04-30 15:38

O estudantado de 1eiro de Bacharelato visitou o 17 de abril a vila de Padrón. A figura de Rosalía de Castro centrou esta visita, mais deixando espazo para todo o que nos oferta esta localidade para o coñecemento da nosa historia recente.

Premios Amnistía

Lun, 2024-04-29 11:35

O xoves 11 de abril foi a entrega dos premios de microrrelato de haiku de Amnistía Internacional. No noso centro estamos de noraboa, pois foron os vencedores de dous dos niveis estudantes do noso instituto:

Roi Valverde Domínguez gañou o premio ó mellor haiku, para estudantes de 12-13 anos.

Andrea Lorenzo Urgal resultou gañadora no premio ó mellor microrrelato 14-16 anos.

Ademais, neste último nivel as tres finalistas eran todas estudantes do IES Ribeira do Louro. Alén de Andrea, chegaron á final Laura Romero Álvarez e Alicia Gómez Fernández.

Moitos parabéns a todas!!!

Distribuir contido

Iniciar sesión

  Biblioteca           



by Dr. Radut