Esta semana estamos a realizar diferentes actividades para celebrar a Festa das Letras.
FLorencio Delgado Gurriarán é unha mostra da importancia na nosa literatura e sociedade do exilio e da emigración. Para sermos conscientes da importancia desta realidade social no noso país realizamos unha exposición. O noso estudantado de 1eiro e 2º da ESO elaboraron un traballo no que se achegasen a algún parente que experimentase a emigración/exilio. Todos temos algún ou algunha.
![](/centros/iesribeiralouro/system/files/u140/exposici%C3%B3n.jpg)
Ademais, esta exposición enriqueceuse coa experiencia de entrevistar maiores do Centro de Día da nosa parroquia, Torneiros, que tamén tiveron que deixar o seu fogar por razóns socio-económicas.
![](/centros/iesribeiralouro/system/files/u140/Centro%20de%20Dia.jpg)
Finalmente, para coñecermos o noso debemos partir do máis próximo. O estudantado de 1eiro da ESO presentaron nesta semana dúas maquetas que levan máis de dous meses elaborando sobre o noso concello e as súas parroquias. Están expostas baixo o lema "Coñeces o teu concello?"
Ademais, o grupo de teatro do noso centro fixo a representación da peza que leva todo o curso preparando: Idiota, un texto de Jordi Casanovas.
E, por último, o venres 20 asistimos o alumnado de Oratoria de 1eiro e 2º da ESO ó I Encontro de Bibliotecas do Concello do Porriño.
A todo isto sumáronselle outras actividades doutros departamentos coma o baile dass Tanxugueiras que fixemos practicamente todos os membros do instituto, organizado polo profesor Víctor do Departamento de Historia.
Foi unha semana cargada de actividades; foi unha gran festa ó redor do noso idioma e país!!!